ಬೆಂಗಳೂರು: ಟಿಕ್ಟಾಕ್ ಮಾಡಲು ಹೋಗಿ ಸಹೋದರರಿಬ್ಬರು ರೈಲ್ವೇ ಹಳಿಗೆ ಸಿಲುಕಿ ಮೃತಪಟ್ಟರೆ, ಮತ್ತೋರ್ವ ಗಂಭೀರ ಗಾಯಗೊಂಡಿರುವ ಘಟನೆ ಇಂದು ಸಂಜೆ ಸಂಪಿಗೆಹಳ್ಳಿ ಠಾಣಾ ವ್ಯಾಪ್ತಿಯ ಥಣಿಸಂದ್ರದ ರೈಲ್ವೆ ಗೇಟ್ ಬಳಿ ಸಂಭವಿಸಿದೆ.
ಅಬ್ಬಾ ಇದೆಂಥ ಹುಚ್ಚುತನ: ಹಳಿ ಮೇಲೆ ಟಿಕ್ ಟಾಕ್ ಮಾಡಲು ಹೋಗಿ ಪ್ರಾಣ ಕಳೆದುಕೊಂಡ ಸಹೋದರರು
ರೈಲಿನ ಎದುರು ಇಬ್ಬರು ಟಿಕ್ಟಾಕ್ ಮಾಡಲು ಹೋಗಿದ್ದಾರೆ. ವೇಗವಾಗಿ ಬಂದ ರೈಲು ಇಬ್ಬರಿಗೆ ಗುದ್ದಿದೆ. ಈ ವೇಳೆ ಅವರ ಸನಿಹದಲ್ಲಿದ್ದ ಮತ್ತೊಬ್ಬನಿಗೂ ತಾಗಿದ್ದರಿಂದ ಗಂಭೀರವಾಗಿ ಗಾಯಗೊಂಡಿದ್ದಾನೆ.
ಟಿಕ್ಟಾಕ್ಗಾಗಿ ಹಾರಿಹೋಯ್ತು ಇಬ್ಬರ ಪ್ರಾಣ,
ಆಫಬ್ ಷರೀಫ್ ಹಾಗೂ ಮತೀನ್ ಮೃತರು. ಜಮೀಉಲ್ಲಾ ತೀವ್ರವಾಗಿ ಗಾಯಗೊಂಡಿದ್ದು, ಆತನನ್ನು ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ.
ಈ ದುರ್ಘಟನೆಯು ಸಂಜೆ ಸುಮಾರು 6 ವೇಳೆಗೆ ನಡೆದಿದೆ ಎನ್ನಲಾಗಿದೆ. ಯಲಹಂಕದಿಂದ ಬೆಂಗಳೂರಿಗೆ ರೈಲು ಬರುವಾಗ ರೈಲಿನ ಎದುರು ಇಬ್ಬರು ಟಿಕ್ಟಾಕ್ ಮಾಡಲು ಹೋಗಿದ್ದಾರೆ. ವೇಗವಾಗಿ ಬಂದ ರೈಲು ಇಬ್ಬರಿಗೆ ಗುದ್ದಿದೆ. ಈ ವೇಳೆ ಅವರ ಸನಿಹದಲ್ಲಿದ್ದ ಮತ್ತೊಬ್ಬನಿಗೂ ತಾಗಿದ್ದರಿಂದ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಸ್ಥಳಕ್ಕೆ ಬಂದ ಸಂಪಿಗೆಹಳ್ಳಿ ಹಾಗೂ ಬೈಯಪ್ಪನಹಳ್ಳಿ ರೈಲ್ವೇ ಪೊಲೀಸರು ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
Last Updated : Sep 27, 2019, 10:34 PM IST