ಬೆಂಗಳೂರು: ಮಾಜಿ ಕಾರ್ಪೊರೇಟರ್ ರೇಖಾ ಕದಿರೇಶ್ ಕೊಲೆ ಪ್ರಕರಣಕ್ಕೆ ದಿನಕ್ಕೊಂದು ರೋಚಕ ಟ್ವಿಸ್ಟ್ ಸಿಗುತ್ತಿದೆ. ಇತ್ತ, ರೇಖಾ ಹತ್ಯೆಗೆ ಸುಪಾರಿ ಕೊಡಲು ಮಾಲಾ ಸಾಲ ಮಾಡಿಕೊಂಡಿದ್ದರೆ, ಕದಿರೇಶ್ ಮತ್ತು ರೇಖಾ ನಡುವಿನ ಅಂತರ್ಯುದ್ಧ ಕೂಡ ರಿವೀಲ್ ಆಗಿದೆ.
ರೇಖಾ - ಕದಿರೇಶ್ ಜೊತೆಗಿದ್ದಷ್ಟು ದಿವಸ ಅನ್ಯೋನ್ಯವಾಗಿರಲಿಲ್ಲವಂತೆ. ರೇಖಾ ಹೆಸರಿಗಷ್ಟೇ ಕಾರ್ಪೊರೇಟರ್ ಆಗಿದ್ದು, ಹಣಕಾಸಿನ ವಿಚಾರವನ್ನೆಲ್ಲ ಕದಿರೇಶ್ ನೋಡಿಕೊಳ್ಳುತ್ತಿದ್ದರು. ಇದರಿಂದಾಗಿ ಇಬ್ಬರ ಮಧ್ಯೆಯೂ ವೈಮನಸ್ಸು ಮೂಡಿತ್ತು. ಈ ವಿಚಾರವಾಗಿ ಮನೆಯಲ್ಲಿ ಆಗಾಗ್ಗೆ ಜಗಳವೂ ನಡೆಯುತ್ತಿತ್ತು. ಆ ಜಗಳಕ್ಕೂ, ರೇಖಾಳ ಮರ್ಡರ್ಗೂ ಲಿಂಕ್ಯಿದೆಯಂತೆ.
ಮತ್ತೊಬ್ಬನ ಜೊತೆಗೂ ಸಲುಗೆ!
ಆರೋಪಿ ಪೀಟರ್ ಜತೆಗೆ ಮಾತ್ರವಲ್ಲದೆ ಮತ್ತೊಬ್ಬನ ಜೊತೆಗೂ ರೇಖಾ ಆತ್ಮೀಯರಾಗಿದ್ದರಂತೆ. ಅವರು ವಾಸಿಸುತ್ತಿದ್ದ ಏರಿಯಾದಲ್ಲೇ ರವಿ ಎಂಬಾತನೊಂದಿಗೆ ಸಲುಗೆಯಿಂದ ಇರುತ್ತಿದ್ದಳಂತೆ. ರೇಖಾ ಬಳಿ ಏನೇ ಕೆಲಸ ಆಗಬೇಕೆಂದರೂ ರವಿ ಮೂಲಕವೇ ಹೋಗಬೇಕಿತ್ತು. ಇದು ಪೀಟರ್ ಕೆಂಗಣ್ಣಿಗೆ ಗುರಿಯಾಗಿತ್ತು. ರವಿಯನ್ನ ಮುಗಿಸಿದ್ರೆ ರೇಖಾ ವರ್ಚಸ್ಸಿಗೆ ಏನೂ ಧಕ್ಕೆಯಾಗಲ್ಲ. ಅವಳನ್ನೇ ಮುಗಿಸಿದ್ರೆ ಹೇಗೆ ಎಂದು ರೇಖಾಳ ಹತ್ಯೆಗೆ ಸ್ಕೆಚ್ ಹಾಕಿದ್ದನಂತೆ ಪೀಟರ್.
ಕದಿರೇಶ್-ರೇಖಾ ನಡುವಿನ ಮನಸ್ತಾಪವನ್ನು ಪ್ಲಸ್ ಪಾಯಿಂಟ್ ಮಾಡಿಕೊಂಡ ಪೀಟರ್, ಮಾಲಾಳ ಸಹಾಯ ಪಡೆಯಲು ಆಕೆಗೆ ಬ್ರೈನ್ ವಾಶ್ ಮಾಡಿದ್ದ. ಅಲ್ಲದೆ, ರೇಖಾಳೇ ಕದಿರೇಶ್ ಕೊಲೆ ಮಾಡಿಸಿದ್ದಳು ಎಂಬ ವದಂತಿ ಹಬ್ಬಿಸಿದ್ದ. ರೇಖಾ ಹತ್ಯೆಗೆ ಪೀಟರ್ ತಂಡ ಕಟ್ಟಿಕೊಂಡು ಸ್ಕೆಚ್ ಹಾಕಿದ್ದನಂತೆ. ಆ ತಂಡಕ್ಕೆ ಹಣ ಕೊಡಲು ಅರುಣ್ ಮತ್ತು ಮಾಲಾ ಸಾಲ ಮಾಡಿದ್ದರಂತೆ.
ಡ್ರೈವರ್ ಜೊತೆ ಮನೆ ಬಿಟ್ಟು ಹೋಗಿದ್ದಳಂತೆ ರೇಖಾ!
ರೇಖಾ- ಕದಿರೇಶ್ ನಡುವೆ ಎಲ್ಲವೂ ಸರಿಯಿರಲಿಲ್ಲ. 2016-17 ರಲ್ಲಿ ಡ್ರೈವರ್ ಕದಿರ್ ಜತೆ ರೇಖಾ ಮನೆ ಬಿಟ್ಟು ಹೋಗಿದ್ದಳು. ಈ ಘಟನೆ ಸಂಬಂಧ ಕಾಟನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಮಿಸ್ಸಿಂಗ್ ಕಂಪ್ಲೆಂಟ್ ಕೂಡ ದಾಖಲಾಗಿತ್ತು. ಬಳಿಕ ಪೊಲೀಸರು ಶೋಧ ನಡೆಸಿ, ರೇಖಾಳನ್ನು ಪತ್ತೆ ಹಚ್ಚಿ ಕದಿರೇಶ್ ಜತೆಗೆ ಸಂಧಾನ ಮಾಡಿಸಿದ್ದರು ಎನ್ನಲಾಗ್ತಿದೆ.
