ಬೆಂಗಳೂರು: ಮೂರು ದಿನದ ಸಾರಿಗೆ ನೌಕರರ ಮುಷ್ಕರ ಇದೀಗ ನಿರ್ಣಾಯಕ ಘಟ್ಟಕ್ಕೆ ತಲುಪಿದೆ. ವಿಕಾಸಸೌಧದಲ್ಲಿನ ಸರಣಿ ಸಭೆಗಳಲ್ಲಿ ಆಶಾದಾಯಕ ಬೆಳವಣಿಗೆ ಕಂಡುಬಂದಿದೆ.
ನಿರ್ಣಾಯಕ ಹಂತದಲ್ಲಿ ಸರ್ಕಾರ- ಸಾರಿಗೆ ಇಲಾಖೆ ನೌಕರರ ಮಾತುಕತೆ
ತಮ್ಮ ಬಿಗು ಪಟ್ಟಿನಿಂದ ಸ್ವಲ್ಪ ಸಡಿಲಿಕೆಯ ಮುನ್ಸೂಚನೆಯನ್ನು ಕಾರ್ಮಿಕ ಸಂಘಟನೆಗಳ ಮುಖಂಡರು ನೀಡಿದ್ದು, ಸರ್ಕಾರ ಕೂಡ ಒಂದು ಹೆಜ್ಜೆ ಮುಂದಿಟ್ಟಿದೆ. ಹೀಗಾಗಿ ಮಾತುಕತೆ ಸೌಹಾರ್ದ ಮತ್ತು ಸಕಾರಾತ್ಮಕ ವಾತಾವರಣವನ್ನು ಸೃಷ್ಟಿಸಿದೆ.
ಇಂದಿನ ಸಭೆಗಳಲ್ಲಿ ಮಹತ್ವದ ತಿರುವು ನೀಡಿದ ಬೆಳವಣಿಗೆ ಅಂದರೆ, ಕೋಡಿಹಳ್ಳಿ ಬಣದ ಜೊತೆ ಗುರುತಿಸಿಕೊಂಡಿದ್ದ ಪ್ರಮುಖ ಮುಖಂಡರು ಚರ್ಚೆಗೆ ಒಪ್ಪಿ ಬಂದಿದ್ದಾರೆ. ಇವರನ್ನು ಸೆಳೆಯುವ ವಿಚಾರದಲ್ಲಿ ಸಚಿವ ಆರ್.ಅಶೋಕ್ ಹಾಗೂ ಬಿಎಂಟಿಸಿ ಅಧ್ಯಕ್ಷ ನಂದೀಶ್ ರೆಡ್ಡಿ ಪ್ರಮುಖ ಪಾತ್ರ ವಹಿಸಿದರು.