ಮೊಬೈಲ್ ಕೊಡಲು ನಿರಾಕರಿಸಿದ್ದ ಟ್ರ್ಯಾಕ್ಟರ್ ಚಾಲಕನ ಕೊಲೆ:ಆರೋಪಿ ಬಂಧನ

ಮೊಬೈಲ್​ ಕೊಡಲು ನಿರಾಕರಿಸಿದ್ದಕ್ಕೆ ಹತ್ಯೆ ಮಾಡಿದ್ದ ಆರೋಪಿಯನ್ನ ಬಂಧಿಸುವಲ್ಲಿ ಬೆಂಗಳೂರು ಪೊಲೀಸರು ಯಶಸ್ವಿಯಾಗಿದ್ದಾರೆ.

ಬೆಂಗಳೂರು:ಟ್ರ್ಯಾಕ್ಟರ್ ಚಾಲಕ ಶಿವನಾಯ್ಕ ಕೊಲೆ ಪ್ರಕರಣ ಸಂಬಂಧ ಆರೋಪಿ ಸೈಯದ್ ಸೈಫ್ ಅಲಿಯಾಸ್ ಮ್ಯಾಟ್ರು ಎಂಬಾತನನ್ನು ಹಲಸೂರು ಗೇಟ್ ಪೊಲೀಸರು ಬಂಧಿಸಿದ್ದಾರೆ.

ಕಳೆದ ಭಾನುವಾರ ಮೊಬೈಲ್‌ ಕಳವು ಮಾಡಲು ಬಂದಿದ್ದ ಸೈಯದ್ ಸೈಫ್ ಅಲಿಯಾಸ್ ಮ್ಯಾಟ್ರು ಎಂಬಾತ, ಟ್ರ್ಯಾಕ್ಟರ್ ಚಾಲಕ ಶಿವನಾಯಕ್​ಗೆ‌ ಮೊಬೈಲ್ ಕೊಡುವಂತೆ ಕೇಳಿದ್ದಾನೆ. ಮೊಬೈಲ್‌ ಕೊಡಲು ನಿರಾಕರಿಸಿದಾಗ ಚಾಲಕನ ಎದೆ ಹಾಗೂ ಪಕ್ಕೆಲುಬಿನ ಜಾಗಕ್ಕೆ ಡ್ರ್ಯಾಗರ್‌ನಿಂದ ಇರಿದು ಎಸ್ಕೇಪ್ ಆಗಿದ್ದ. ಗಂಭೀರವಾಗಿ ಗಾಯಗೊಂಡ ಶಿವನಾಯ್ಕ ಮೃತಪಟ್ಟಿದ್ದರು. ಮೂರ್ನಾಲ್ಕು ಜನ ದುಷ್ಕರ್ಮಿಗಳು ಸೇರಿ ಈ ಕೊಲೆ ಮಾಡಿರು‌ವ ಶಂಕೆ ವ್ಯಕ್ತವಾಗಿತ್ತು.

ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.