ಬೆಂಗಳೂರು: ಕೋವಿಡ್-19 ವೈರಸ್ ಭೀತಿಯ ಪರಿಣಾಮ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮಕ್ಕೆ ಒಟ್ಟು ₹8.40 ಕೋಟಿ ನಷ್ಟವಾಗಿದೆ. ಇಂದೂ ಕೂಡಾ ಒಟ್ಟು 1300 ಬಸ್ಗಳನ್ನು ರದ್ದು ಮಾಡಲಾಗಿದೆ.
ಕೊರೊನಾ ಎಫೆಕ್ಟ್: ಕೆಎಸ್ಆರ್ಟಿಸಿಗೆ ₹8.40 ಕೋಟಿ ನಷ್ಟ
ಕೋವಿಡ್-19 ವೈರಸ್ ಭೀತಿಯ ಪರಿಣಾಮ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮಕ್ಕೆ ಒಟ್ಟು ₹8.40 ಕೋಟಿ ನಷ್ಟವಾಗಿದೆ. ಇಂದೂ ಕೂಡಾ ಒಟ್ಟು 1300 ಬಸ್ಗಳನ್ನು ರದ್ದು ಮಾಡಲಾಗಿದೆ.
ಎಸ್ಆರ್ಟಿಸಿಗೆ ₹8.40 ಕೋಟಿ ನಷ್ಟ
ಶಿವಮೊಗ್ಗ ಮತ್ತು ಹಾಸನ ಬಸ್ ನಿಲ್ದಾಣಗಳಲ್ಲಿ ಪ್ರಯಾಣಿಕರನ್ನು ಜಿಲ್ಲಾ ಆರೋಗ್ಯ ಅಧಿಕಾರಿಗಳ ಸಹಯೋಗದೊಂದಿಗೆ ಸ್ಕ್ರೀನಿಂಗ್ ಮಾಡಲಾಯಿತು. ಮಾರ್ಚ್ 15ರಂದು ರಾಜಹಂಸ ಬಸ್ಸಿನಲ್ಲಿ ಪ್ರಯಾಣಿಸಿದ ಪ್ರಯಾಣಿಕರೊಬ್ಬರಲ್ಲಿ ಕೊರೊನಾ ಪಾಸಿಟಿವ್ ಕಂಡು ಬಂದ ಹಿನ್ನೆಲೆ ಸದರಿ ಬಸ್ಸಿನ ಚಾಲಕ/ನಿರ್ವಾಹಕರನ್ನು ಹಾಗೂ ಅವರ ಪರಿವಾರದವರನ್ನು ತಪಾಸಣೆ ಮಾಡಿಸುವ ವ್ಯವಸ್ಥೆ ಮಾಡಲಾಗಿದೆ.
ಬಸ್ನಲ್ಲಿ ಒಟ್ಟು 38 ಪ್ರಯಾಣಿಕರಿದ್ದು, 33 ಜನ ನಿರ್ವಾಹಕನಿಂದ ಟಿಕೆಟ್ ಪಡೆದು ಪ್ರಯಾಣಿಸಿದ್ದಾರೆ. 5 ಜನ ಮುಂಗಡ ಟಿಕೆಟ್ ಕಾಯ್ದಿರಿಸಿದ್ದರು. ಇವರಿಗೆ ಫೋನ್ ಮೂಲಕ ಸಂಪರ್ಕಿಸಿ ಕೂಡಲೇ ಆಸ್ಪತೆಗೆ ತಪಾಸಣೆಗೆ ತೆರಳಲು ಕೋರಲಾಗಿದೆ ಎಂದು ನಿಗಮ ತಿಳಿಸಿದೆ. ಮಂಗಳೂರು ಜಿಲ್ಲಾಡಳಿತವು ನಿಗಮದ 5 ಬಸ್ಗಳನ್ನು ಪಡೆದು, ಮಂಗಳೂರು ವಿಮಾನ ನಿಲ್ದಾಣದಿಂದ ಪ್ರಯಾಣಿಕರನ್ನು ಸ್ಥಳಾಂತರಿಸುವ ಕಾರ್ಯಾಚರಣೆಗೆ ಬಳಸಿಕೊಳ್ಳುತ್ತಿದೆ.