ಬೆಂಗಳೂರಲ್ಲಿ ಆಟೋದಲ್ಲಿ ಬಂದು ನಡುಗಂಬಗಳನ್ನು ಕದ್ದ ಖದೀಮರು : ಸಿಸಿಟಿವಿಯಲ್ಲಿ ದೃಶ್ಯ ಸೆರೆ

ಪಾದಚಾರಿ ರಸ್ತೆಗಳಲ್ಲಿ ವಾಹನ ನಿಲ್ಲಿಸಬಾರದು ಎಂದು ನೆಡುತ್ತಿದ್ದ ಕಂಬಗಳನ್ನು ಬನಶಂಕರಿಯ ಏರಿಯಾದಲ್ಲಿ ಕಳ್ಳತನ ಮಾಡುತ್ತಿರುವ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಬೆಂಗಳೂರು:ಪಾದಚಾರಿ ರಸ್ತೆಯಲ್ಲಿ ವಾಹನ ನಿಲ್ಲಿಸಬಾರದು ಎಂಬ ಕಾರಣಕ್ಕೆ ನೆಡುವ ಕಂಬಳನ್ನೂ ಕದೀಮರು ಬಿಡುತ್ತಿಲ್ಲ. ರಾತ್ರೋರಾತ್ರಿ ಬಂದು ಕಬ್ಬಿಣದ ಕಂಬಗಳನ್ನು ಕಳ್ಳರು ಕದಿಯುತ್ತಿರುವ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಮೂಲಕ ಪಾದಚಾರಿ ರಸ್ತೆಯಲ್ಲಿ ಕಂಬಗಳನ್ನು ಕದಿಯುವ ಕಳ್ಳರ ಬಣ್ಣ ಬಯಲಾಗಿದೆ.

ಸ್ಮಾರ್ಟ್​ ಸಿಟಿ ಯೋಜನೆ ಅಡಿಯಲ್ಲಿ ಬನಶಂಕರಿ‌‌ ಏರಿಯಾ ರಸ್ತೆಯ ಪಾದಚಾರಿ ರಸ್ತೆಗಳನ್ನು ಅಭಿವೃದ್ಧಿ ಮಾಡಲಾಗಿದೆ. ಕಳ್ಳರು ಹಗಲು ರಸ್ತೆಯಲ್ಲಿ ಓಡಾಡಿ ಗುರುತು ಮಾಡಿಕೊಂಡು ರಾತ್ರಿ ಆಟೋದಲ್ಲಿ ಬಂದು ಕಳ್ಳತನದ ಕೆಲಸ ಮಾಡುತ್ತಿದ್ದಾರೆ. ಕಳ್ಳತನ ಮಾಡುತ್ತಿರುವ ಸಿಸಿಟಿವಿ ವಿಡಿಯೋ ಸೆರೆಯಾಗಿದ್ದು, ಅದರಲ್ಲಿ ಆಟೋದ ನಂಬರ್​ ಸಹ ಗುರುತು ಸಿಗುವಂತಿದೆ.

ಬನಶಂಕರಿಯ ಕೆ.ಆರ್​. ರಸ್ತೆಯ ಎರಡ್ಮೂರು ಕಡೆಯಲ್ಲಿ ಇಂತಹದ್ದೇ ಕೃತ್ಯ ನಡೆದಿದೆ ಎನ್ನಲಾಗ್ತಿದೆ. ಸದ್ಯ ಈ ಸಂಬಂಧ ಬನಶಂಕರಿ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಇದನ್ನೂ ಓದಿ :ಬೈಕ್​ನಲ್ಲಿ ಹೋಗುತ್ತಿದ್ದ ಕುಟುಂಬದ ಮೇಲೆ ನುಗ್ಗಿ ಬಂದ ಗೂಳಿಗಳು