ಬೆಂಗಳೂರು:ಸ್ಯಾಂಡಲ್ವುಡ್ ಡ್ರಗ್ಸ್ ಡೀಲ್ ಆರೋಪ ಪ್ರಕರಣದಲ್ಲಿ ಆರೋಪಿ ವಿನಯ್ ಬಂಧನ ಬೆನ್ನಲ್ಲೇ ಕೆಲ ನಟಿಯರಿಗೆ ಸಂಕಷ್ಟ ಎದುರಾಗುವ ಸಾಧ್ಯತೆಯಿದೆ. ಡ್ರಗ್ಸ್ ಡೀಲ್ ಪ್ರಕರಣದಲ್ಲಿ ಎ12 ಆಗಿರುವ ವಿನಯ್ ಜೊತೆ ಸ್ಯಾಂಡಲ್ವುಡ್ನ ಕೆಲ ನಟಿಯರು ಸಂಪರ್ಕ ಹೊಂದಿರುವ ಮಾಹಿತಿ ಸದ್ಯ ಆರೋಪಿ ಮೊಬೈಲ್ ರಿಟ್ರೈವ್ ಮಾಡುವಾಗ ಬೆಳಕಿಗೆ ಬಂದಿದೆ ಎನ್ನಲಾಗ್ತಿದೆ.
ಅಷ್ಟು ಮಾತ್ರವಲ್ಲದೆ ಖ್ಯಾತ ನಟಿಯರು ವಿನಯ್ ಜೊತೆ ಬಹಳ ಆತ್ಮೀಯತೆಯಿಂದ ಇದ್ದಿದ್ದು, ಅಮೆರಿಕದ ಡಿಸ್ನಿ ಲ್ಯಾಂಡ್, ಟುಮಾರೊ ಲ್ಯಾಂಡ್ ಗೆ ವಿನಯ್ ಜೊತೆ ಹೋಗಿರೊ ಗುಮಾನಿ ಸಿಸಿಬಿಗೆ ಇದೆ. ಹಾಗೆ ಹಲವಾರು ಡ್ರಗ್ಸ್ ಪಾರ್ಟಿಗಳಲ್ಲಿ ವಿನಯ್ ಜೊತೆ ಖ್ಯಾತ ನಟಿ ಹೋಗಿದ್ದರ ಬಗ್ಗೆ ಮಾಹಿತಿ ಸಿಕ್ಕಿದ್ದು, ವಿನಯ್ ನೀಡಿದ ಮಾಹಿತಿ ಆಧಾರದ ಮೇಲೆ ನಟಿಗೆ ನೋಟಿಸ್ ನೀಡಲು ಸಿಸಿಬಿ ಸಿದ್ಧತೆ ನಡೆಸಿದೆ ಎನ್ನಲಾಗ್ತಿದೆ. ಒಂದು ವೇಳೆ ಮಾಹಿತಿ ಖಚಿತ ಆದ್ರೆ ಮತ್ತೆ ಸ್ಯಾಂಡಲ್ವುಡ್ನ ಕೆಲ ನಟಿಮಣಿಯರು ಸಿಸಿಬಿ ಬಲೆಗೆ ಬೀಳುವ ಸಾಧ್ಯತೆಯಿದೆ.