ದಸರಾ ಮಹೋತ್ಸವದ ಮೆರವಣಿಗೆಗೆ ಬ್ರೇಕ್: ಕೋಮುಗಳ ನಡುವೆ ವಾಗ್ವಾದ

ಬೆಂಗಳೂರಿನ ಆರ್​.ಟಿ.ನಗರದ  ಬಳಿ ದಸರಾ ಮೆರವಣಿಗೆಗೆ ತಡೆ ನೀಡಿದ್ದರಿಂದ ಎರಡು ಕೋಮುಗಳ ನಡುವೆ ವಾಗ್ವಾದ ನಡೆದಿದೆ. ತಡವಾಗಿ ಆರಂಭವಾದ ದಸರಾ ಮೆರವಣಿಗೆ ಮುಂಜಾನೆವರೆಗೂ ನಡೆಯಿತು. ಬೆಳಗ್ಗೆ ನಮಾಜ್​ ತೆರಳುವವರಿಗೆ ತೊಂದರೆಯಾಗದಂತೆ ಮೆರವಣಿಗೆ ತಡೆಯಲಾಗಿತ್ತು.

ಬೆಂಗಳೂರು:ದಸರಾ ಮಹೋತ್ಸವ ನಿಮಿತ್ತ ಈಶ್ವರ, ಚಾಮುಂಡೇಶ್ವರಿ, ದತ್ತಾತ್ರೆಯ ದೇವರು, ಫಿರಂಗಿಗಳ ಮೆರವಣಿಗೆಗೆ ಬ್ರೇಕ್​ ನೀಡಿದ್ದು, ಎರಡು ಕೋಮುಗಳ ನಡುವೆ ವಾಗ್ವಾದಕ್ಕೆ ಎಡೆ ಮಾಡಿಕೊಟ್ಟಿದೆ.

ದಸರಾ ಮೆರವಣಿಗೆ ಮಳೆಯ ಅಡ್ಡಿಯಿಂದಾಗಿ ವಿಳಂಬವಾಗಿದೆ. ಆರ್​ಟಿ ನಗರದಿಂದ ಟಿವಿ ಟವರ್​ವರೆಗೆ ಸಾಗಬೇಕಿದ್ದ ಮೆರವಣಿಗೆಯು 11 ಗಂಟೆ ನಂತರ ಪ್ರಾರಂಭವಾಗಬೇಕಿದ್ದರಿಂದ ಕಾರ್ಯಕ್ರಮ ತಡವಾಗಿದೆ. ಬೆಳಗಿನವರೆಗೆ ಮೆರವಣಿಗೆ ನಡೆದಿದ್ದು, ಬೆಳಗ್ಗೆ ನಮಾಜ್​ಗೆ ಹೊರಟಿದ್ದವರಿಗೆ ತೊಂದರೆಯಾಗದಂತೆ ಪೊಲೀಸರು ಅರ್ಧ ಗಂಟೆ ತಡೆ ನೀಡಿದ್ದಾರೆ.

ಉತ್ತರ ವಿಭಾಗ ಡಿಸಿಪಿ ಶಶಿಕುಮಾರ್ ಹಾಗೂ ಸಂಚಾರಿ ವಿಭಾಗದ ಡಿಸಿಪಿ ಸಾ.ರಾ ಫಾತಿಮಾ ನೇತೃತ್ವದಲ್ಲಿ ಬಿಗಿ‌ ಪೊಲೀಸ್ ಬಂದೋಬಸ್ತ್ ಕಲ್ಪಿಸಲಾಗಿತ್ತು.