ಬೆಂಗಳೂರು :ಕೊರೊನಾ ರೂಪಾಂತರಿ ಒಮಿಕ್ರಾನ್ ಸೋಂಕಿನ ಪ್ರಭಾವದಿಂದ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿದೆ. ನಿನ್ನೆ ಒಂದೇ ದಿನ 50 ಸಾವಿರ ಹೊಸ ಪ್ರಕರಣ ಪತ್ತೆಯಾಗಿವೆ. ಇತ್ತ ಸೋಂಕಿತರ ಸಂಖ್ಯೆ ಇನ್ನಷ್ಟು ಉತ್ತುಂಗಕ್ಕೇರುವ ಸಾಧ್ಯತೆ ಬಗ್ಗೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಆದರೆ, ಈ ಕೋವಿಡ್ ಮೂರನೇ ಅಲೆಯು ಜ್ವರ, ಕೆಮ್ಮು, ನೆಗಡಿಗಷ್ಟೇ ಸೀಮಿತವಾಗುತ್ತಾ? ಇಂತಹದೊಂದು ಪ್ರಶ್ನೆ ಸಹಜವಾಗಿ ಕಾಡುತ್ತೆ. ಯಾಕೆಂದರೆ, 50,000 ಕೇಸ್ ಬಂದ್ರೂ ಹೆಚ್ಚು ಜನರು ಆಸ್ಪತ್ರೆಗೆ ದಾಖಲಾಗುತ್ತಿಲ್ಲ. ಹೀಗಾಗಿ, ಆತಂಕ ಪಡುವ ಅಗತ್ಯವಿಲ್ಲ ಎಂದು ತಜ್ಞರು ಹೇಳುತ್ತಿದ್ದಾರೆ.
ಆಸ್ಪತ್ರೆ ದಾಖಲಾತಿ ಹೆಚ್ಚಾದರೆ ಟಫ್ ರೂಲ್ಸ್ :ಆಸ್ಪತ್ರೆಗೆ ಸೋಂಕಿತರು ದಾಖಲಾಗುವ ಪ್ರಮಾಣ ಹೆಚ್ಚಾದರೆ ಟಫ್ ರೂಲ್ಸ್ ಜಾರಿ ಮಾಡುವ ಸಾಧ್ಯತೆ ಇದೆ. ಈಗಾಗಲೇ ನೈಟ್ ಕರ್ಫ್ಯೂ ಜಾರಿಯಲ್ಲಿದೆ. ಮುಂದಿನ ವಾರ ಆಸ್ಪತ್ರೆ ದಾಖಲಾತಿ ಮೇಲೆ 50:50 ರೂಲ್ಸ್ ತೆರವು ಮಾಡುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಕೊರೊನಾ ನಿರ್ಬಂಧ ಸಡಿಲಿಕೆ ಎಫೆಕ್ಟ್.. ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಹೆಚ್ಚಿದ ಪ್ರಯಾಣಿಕರ ದಟ್ಟಣೆ
ಈಗಾಗಲೇ ತಾಂತ್ರಿಕ ಸಲಹಾ ಸಮಿತಿಯು ಕೊರೊನಾ ನಿಯಂತ್ರಣಕ್ಕೆ ಟಫ್ ರೂಲ್ಸ್ನ ಯಾವ ಹಂತದಲ್ಲಿ ಜಾರಿ ಮಾಡಬೇಕೆಂದು ಸೂಚಿಸಿದೆ. ಆಸ್ಪತ್ರೆ ದಾಖಲಾತಿ ಹೆಚ್ಚಾದರೆ, ಆಕ್ಸಿಜನ್ ಬೆಡ್ಗಳು ಪೂರ್ಣವಾದರೆ ಹಾಗೂ ಸಾವಿನ ಸಂಖ್ಯೆ ಏರಿಕೆಯಾದ ಸಂದರ್ಭದಲ್ಲಿ ಕಠಿಣ ಕ್ರಮ ಜಾರಿಗೆ ಶಿಫಾರಸು ಮಾಡಲಾಗಿದೆ.
ವಾರದ ಹಿಂದೆ ಪತ್ತೆಯಾಗಿರುವ ಕೋವಿಡ್ ಕೇಸ್‌ಗಳನ್ನ ಗಮನಿಸಿದ್ರೆ, ಸೋಂಕಿತರ ಸಂಖ್ಯೆ ಹೆಚ್ಚಾಗಿ ಇದ್ದರೂ ಆಸ್ಪತ್ರೆಗೆ ಸೇರುವವರ ಸಂಖ್ಯೆ ಕಡಿಮೆ ಇದೆ. ಅದರ ಅಂಕಿ-ಅಂಶಗಳನ್ನ ನೋಡುವುದಾದ್ರೆ...
ವೀಕ್ಲಿ ಕೋವಿಡ್ ಕೇಸ್ :
ಬೆಂಗಳೂರು ನಗರ
| ದಿನಾಂಕ | ಕೇಸ್ | ಆಸ್ಪತ್ರೆ ದಾಖಲಾತಿ |
| ಜನವರಿ 16 | 21,071 | 72 |
| ಜನವರಿ17 | 15,947 | 81 |
| ಜನವರಿ 18 | 25,595 | 84 |
| ಜನವರಿ 19 | 24,135 | 80 |
| ಜನವರಿ 20 | 30,540 | 81 |
| ಜನವರಿ 21 | 29,068 | 87 |
| ಜನವರಿ 22 | 17,266 | 71 |
ಕರ್ನಾಟಕ
| ದಿನಾಂಕ | ಪ್ರಕರಣಗಳು | ಆಸ್ಪತ್ರೆ ದಾಖಲಾತಿ |
| ಜನವರಿ 16 | 34,047 | 717 |
| ಜನವರಿ 17 | 27,156 | 192 |
| ಜನವರಿ 18 | 41,457 | 213 |
| ಜನವರಿ 19 | 40,499 | 447 |
| ಜನವರಿ 20 | 47,754 | 102 |
| ಜನವರಿ 21 | 48,049 | 185 |
| ಜನವರಿ 22 | 42,470 | 292 |
ರಾಜ್ಯದಲ್ಲಿ 50 ಸಾವಿರ ಕೇಸ್ ಬಂದರೂ ಆತಂಕ ಪಡಬೇಕಿಲ್ಲ. ಮೂರನೇ ಅಲೆಗಿಂತ ಎರಡನೇ ಅಲೆಯೇ ಅತಿ ಭೀಕರವಾಗಿತ್ತು. 2ನೇ ಅಲೆಯಲ್ಲಿ 1.5 ಲಕ್ಷ ಟೆಸ್ಟಿಂಗ್‌ಗೆ 50 ಸಾವಿರ ಕೇಸ್ ಪತ್ತೆಯಾಗಿತ್ತು. ಹಾಗೆ 2ನೇ ಅಲೆಯಲ್ಲಿ ಆಸ್ಪತ್ರೆಯ ದಾಖಲಾತಿಯೂ ಹೆಚ್ಚಿತ್ತು. ಆದರೆ, 3ನೇ ಅಲೆಯಲ್ಲಿ 2.20 ಲಕ್ಷ ಟೆಸ್ಟಿಂಗ್‌ಗೆ 50 ಸಾವಿರ ಕೇಸ್ ದೃಢಪಟ್ಟಿವೆ. 2ನೇ ಅಲೆಗಿಂತ 3ನೇ ಅಲೆಯಲ್ಲಿ ಪಾಸಿಟಿವಿಟಿ ರೇಟ್ ಕಡಿಮೆ ಕೂಡ ಇದೆ. ಅದರ ಅಂಕಿ-ಅಂಶಗಳನ್ನ ನೋಡುವುದಾದರೆ..
ಕೊರೊನಾ ಎರಡನೇ ಅಲೆ :