ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್ ಎರಡನೇ ಅಲೆಯು ಮೊದಲ ಅಲೆಗಿಂತ ಹೆಚ್ಚಾಗಿಯೇ ಪರಿಣಾಮ ಬೀರಿತ್ತು. ಮೊದಲ ಅಲೆಯ ಸಾವು, ನೋವುಗಳನ್ನೆಲ್ಲ ಎರಡನೇ ಅಲೆ ಧೂಳಿಪಟ ಮಾಡಿತು. ತಜ್ಞರ ಎಚ್ಚರಿಕೆ ಇದ್ದರೂ ಸರ್ಕಾರ ಎಚ್ಚೆತ್ತುಕೊಳ್ಳುವುದು ತಡವಾಯಿತು. ಆಕ್ಸಿಜನ್, ಬೆಡ್, ಔಷಧಿ ಕೊರತೆ ಎದುರಿಸಬೇಕಾಯಿತು. ಈ ಎಡವಟ್ಟಿನಿಂದ ಎಚ್ಚೆತ್ತುಕೊಂಡಿರುವ ಆರೋಗ್ಯ ಇಲಾಖೆ, ಮೂರನೇ ಅಲೆಗೂ ಮುನ್ನವೇ ಹೊಸ ರೂಪಾಂತರಿಗಳ ಪತ್ತೆಗೆ ತಯಾರಿ ನಡೆಸಿದೆ.
ಜೀನೋಮ್ ಸೀಕ್ವೆನ್ಸಿಂಗ್ ಸ್ಯಾಂಪಲ್ಗಳ ಸಂಗ್ರಹ ಹೆಚ್ಚಳಕ್ಕೆ ಎಲ್ಲಾ ಜಿಲ್ಲೆಗಳಿಗೆ ಸೂಚನೆ ನೀಡಿದ್ದು, ಸೀಕ್ವೆನ್ಸಿಂಗ್ಗೆ ಸ್ಯಾಂಪಲ್ ಕಳಿಸಲು ಮಾನದಂಡ ನೀಡಿದೆ. ಪ್ರತಿ 15 ದಿನಗಳಿಗೊಮ್ಮೆ ಜೀನೋಮ್ ಸೀಕ್ವೆನ್ಸಿಂಗ್ಗಾಗಿ ಸ್ಯಾಂಪಲ್ ಕಳಿಸಿಕೊಡಬೇಕು. ಒಂದು ಸೆಂಟಿನಲ್ ಸೈಟ್ಸ್ ನಿಂದ 15 ದಿನಕ್ಕೆ ಒಮ್ಮೆ 150 ಸ್ಯಾಂಪಲ್ಸ್ ಕಳಿಸಬೇಕು. ಸ್ಯಾಂಪಲ್ ಕಳಿಸುವಾಗ 5 ಪ್ರಮುಖ ಅಂಶಗಳನ್ನ ಪರಿಗಣಿಸುವಂತೆ ಸೂಚಿಸಿದ್ದು, ಅವುಗಳು ಕೆಳಕಂಡಂತಿವೆ..
1.ಅಂತಾರಾಷ್ಟ್ರೀಯ ಪ್ರಯಾಣಿಕರಲ್ಲಿ ಪಾಸಿಟಿವ್ ಕಂಡು ಬಂದಿದ್ದರೆ ಅವರ ಸ್ಯಾಂಪಲ್ ಕಳಿಸಬೇಕು
2.ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿ ಸೋಂಕಿಗೆ ಒಳಗಾಗಿರುವವರ ಸ್ಯಾಂಪಲ್ಗಳು
3.ಸೋಂಕಿನ ತೀವ್ರತೆ ಹೆಚ್ಚಿರುವವರ ಸ್ಯಾಂಪಲ್‌ಗಳನ್ನು ಕಳಿಸಬೇಕು