ಬೆಂಗಳೂರು: ದೇಶದಲ್ಲಿರುವ ಬ್ರಿಟನ್ನ ಹೈ ಕಮಿಷನರ್ ಅಲೆಕ್ಸ್ ಎಲ್ಲಿಸ್ ಅವರು ಮಸಾಲೆ ದೋಸೆ ಸವಿದು ಖುಷಿಪಟ್ಟಿದ್ದಾರೆ. ಜೊತೆಗೆ ಹೊಸ ಅನುಭವವನ್ನು ಅವರು ಪಡೆದಿದ್ದಾರೆ. ಅದೇನಂದ್ರೆ ಬರೀಗೈಯಲ್ಲಿ ತಿಂದರೆ ಹೆಚ್ವು ಸ್ವಾದಿಷ್ಟವಾಗಿರುತ್ತದೆ ಎಂದಿದ್ದಾರೆ.
ದೋಸೆ ತಿಂದು ಸಂಭ್ರಮ ಪಟ್ಟ ಬ್ರಿಟನ್ನ ಹೈ ಕಮಿಷನರ್ ಅಲೆಕ್ಸ್ ಎಲ್ಲಿಸ್
ಅಲೆಕ್ಸ್ ತಮ್ಮ ಟ್ವಿಟರ್ ಖಾತೆಯಲ್ಲಿ ನಿನ್ನೆ ಮಸಾಲೆ ದೋಸೆಯನ್ನು ಕೈಯಲ್ಲಿ ತಿನ್ನಬೇಕೇ ಅಥವಾ ಫೋರ್ಕ್-ಚಾಕು ಉಪಯೋಗಿಸಬೇಕಾ? ಎಂದು ಪ್ರಶ್ನೆ ಮಾಡಿ ಪೋಲ್ ಮಾಡಿದ್ದರು. ಇದರ ಪ್ರಕಾರ, ಶೇ 92 ರಷ್ಟು ಜನ ಕೈಯಲ್ಲಿ ತಿನ್ನಬೇಕು ಎಂದು ಮತ ಹಾಕಿದ್ದರು. ಉಳಿದ ಶೇ 8ರಷ್ಟು ಜನ ಫೋರ್ಕ್-ಚಾಕು ಎಂದಿದ್ದರು.
ಆದರೆ, ವಿಡಿಯೋ ಸಹಿತ ಅಲೆಕ್ಸ್ ಎಲ್ಲಿಸ್ ಶೇ92ರಷ್ಟು ಜನರ ಅಭಿಪ್ರಾಯ ಸರಿ ಇದೆ. ದೋಸೆ ಕೈಯಲ್ಲಿ ತಿಂದರೆ ರುಚಿಯಾಗಿರುತ್ತೆ ಎಂದು ಟ್ವೀಟ್ ಜೊತೆ ಬೊಂಬಾಟ್ ಗುರು ಎಂದಿದ್ದಾರೆ.