ಬೆಂಗಳೂರು:ಟಿಡಿಆರ್ ಹಗರಣ ದಿನಕ್ಕೊಂದು ಮಾಹಿತಿ ಹೊರಬೀಳ್ತಿದೆ. ಎಸಿಬಿ ದಾಳಿಗೊಳಗಾದ ಬಿಲ್ಡರ್ ರತನ್ಲಾಥ್ನ ಕರ್ಮಕಾಂಡ ಇದೀಗ ಎಸಿಬಿ ತನಿಖೆಯಿಂದ ಬಯಲಾಗಿದೆ.
ಯಾವೆಲ್ಲಾ ಗೋಲ್ಮಾಲ್:
ರತನ್ ಲಾಥ್ ವಾಲ್ಮಾರ್ಕ್ ಕಂಪೆನಿಯ ಮಾಲೀಕನಾಗಿದ್ದು, ರಾಮಮೂರ್ತಿನಗರ ಫ್ಲೈಓವರ್ನಿಂದ ಹಿಡಿದು ಟಿಸಿ ಪಾಳ್ಯದ ಸಿಗ್ನಲ್ವರೆಗಿನ ರಸ್ತೆ ಅಗಲೀಕರಣದ ಹೆಸರಲ್ಲಿ 2000 ಕೋಟಿ ಗೋಲ್ಮಾಲ್ ಮಾಡಿದ್ದಾನೆ ಎನ್ನಲಾಗಿದೆ.
ಹಾಗೆ ಫರ್ವೇಜ್ ಎಂಬವರ 1500 ಸ್ಕ್ವಾರ್ ಫೀಟ್ ಜಾಗವನ್ನ ಕಬಳಿಸಿದ್ದಾನೆ. 2002 ರಲ್ಲಿ ರಾಮಮೂರ್ತಿನಗರದ ಬಳಿ ರೇವಣ್ಣ ಎಂಬುವವರು ತಮ್ಮ ಜಾಗವನ್ನ ಫರ್ವೇಜ್ಗೆ ಸೇಲ್ ಮಾಡಿದ್ದ. ಆದ್ರೆ ಫರ್ವೇಜ್ ಜಾಗದ ದಾಖಲೆಗಳನ್ನ ತನ್ನ ಹೆಸರಿಗೆ ಮಾಡಿಸಿಕೊಂಡಿರಲಿಲ್ಲ. ಈ ಜಾಗದ ಮೇಲೆ ಕಣ್ಣು ಹಾಕಿದ್ದ ಬಿಲ್ಡರ್ ರತನ್ 2009ರಲ್ಲಿ ಜಾಗದ ಹಳೇ ಮಾಲೀಕ ರೇವಣ್ಣ ಸಾವನ್ನಪ್ಪಿದ್ದ ವಿಚಾರ ತಿಳಿದು ರೇವಣ್ಣನ ಮಕ್ಕಳನ್ನ ಹಿಡಿದು ಡಿಆರ್ಸಿ ಸರ್ಟಿಫಿಕೇಟ್ ಮಾಡಿಸಿ ತನ್ನ ಹೆಸರಿಗೆ ಮಾಡಿಕೊಂಡು ರೇವಣ್ಣನ ಮಕ್ಕಳಿಗೆ ೪೦ ಲಕ್ಷ ರೂಪಾಯಿ ಹಣ ಕೊಟ್ಟು ಬಾಯಿಮುಚ್ಚಿಸಿದ್ದ ಎನ್ನಲಾಗಿದೆ.
ನಂತರ 1500 ಅಡಿ ಜಾಗವನ್ನ ಪಾಲಿಕೆಯ ಅಧಿಕಾರಿಗಳ ಜೊತೆ ಸೇರಿ 15 ಸಾವಿರ ಅಡಿ ಎಂದು ಡಿಆರ್ಸಿ ಸರ್ಟಿಫಿಕೇಟ್ ರೆಡಿಮಾಡಿಸಿದ್ದ (ಡಿಆರ್ಸಿ ಅಂದ್ರೆ ಡೆವಲಪ್ಮೆಂಟ್ ರೈಟ್ಸ್ ಸರ್ಟಿಫಿಕೇಟ್) ಆ ಜಾಗವನ್ನ ಫಿನಿಕ್ಸ್ ಮಾಲ್ನ ಮಾಲೀಕರಿಗೆ ಸೇಲ್ ಮಾಡಿದ್ದ. ಆದ್ರೆ 2009ರ ಆಗಿನ ಪಾಲಿಕೆಯ ಕಮೀಷನರ್ ಡಿಆರ್ಸಿ ಸಹಿಯಿಂದಲೇ ಅಕ್ರಮ ನಡೆದಿದೆ ಎಂದು ಎಸಿಬಿ ತನಿಖೆಯಲ್ಲಿ ತಿಳಿದು ಬಂದಿದೆ. ನಿನ್ನೆ ನಡೆದ ರೈಡ್ನಲ್ಲಿ ರತನ್ ಲಾಥ್ ತಲೆಮರೆಸಿಕೊಂಡಿದ್ದಾನೆ.
ಹಾಗೆ ನಿನ್ನೆ ದಾಳಿ ಮಾಡಿದಾಗ ರತನ್ ಮನೆಯಲ್ಲಿದ್ದ ಕಂಪ್ಯೂಟರ್ ಪರಿಶೀಲನೆ ಮಾಡಿದಾಗ ರತನ್ ಎಲ್ಲಾ ಫೈಲನ್ನು ಡಿಲಿಟ್ ಮಾಡಿರುವ ವಿಚಾರ ತಿಳಿದು ಬಂದಿದೆ. ಎಸಿಬಿ ರತನ್ ಮನೆಯಲ್ಲಿ ಸಿಕ್ಕ ಕಂಪ್ಯೂಟರ್ನ ದಾಖಲೆಗಳನ್ನ ರಿಕವರಿ ಮಾಡಿ ತನಿಖೆ ಮುಂದುವರೆಸಿದ್ದಾರೆ. ಈ ಟಿಡಿಆರ್ ಹಗರಣ ದಿನಕ್ಕೊಂದು ರೋಚಕ ಕಹಾನಿ ಹಾಗೆ ಹಲವಾರು ಭ್ರಷ್ಟ ಕುಲಗಳು ಇರುವುದನ್ನು ನೋಡಿದ ಎಸಿಬಿ ಅಧಿಕಾರಿಗಳೆ ಬೆಚ್ಚಿಬಿದ್ದಿದ್ದು . ಇನಷ್ಟು ಭ್ರಷ್ಟ ಅಧಿಕಾರಿಗಳನ್ನ ಖೆಡ್ಡಾಕ್ಕೆ ಕೆಡವಲು ಎಸಿಬಿ ತಯಾರಿಯಾಗಿ ನಿಂತಿದೆ.
