ಸರಹದ್ದು ಸಮಸ್ಯೆಯಿಂದ ಪ್ರಕರಣ ದಾಖಲಿಸಲು ವಿಳಂಬ: ಇಬ್ಬರು ಪಿಎಸ್ಐ ಅಮಾನತು

ತ್ಯಾಮಗೊಂಡ್ಲು ಪೊಲೀಸ್ ಠಾಣಾ ಮತ್ತು ದೊಡ್ಡಬೆಳವಂಗಲ ಪೊಲೀಸ್ ಠಾಣಾ ವ್ಯಾಪ್ತಿಯ ಗಡಿಯಲ್ಲಿ ಸಂಭವಿಸಿದ ಪ್ರಕರಣವೊಂದನ್ನು ಠಾಣಾ ಸರಹದ್ದಿನ ಗೊಂದಲದಿಂದ ದಾಖಲಿಸಲು ವಿಳಂಬವಾಗಿತ್ತು. ಈ ಬಗ್ಗೆ ಮಾಧ್ಯಮಗಳಲ್ಲಿ ವರದಿ ಬಿತ್ತರಗೊಂಡಿತ್ತು. ಈ ಹಿನ್ನೆಲೆ ಕರ್ತವ್ಯ ಲೋಪದ ಮೇಲೆ ಇಬ್ಬರು ಸಬ್​​ಇನ್ಸ್​​ಪೆಕ್ಟರ್​​​ಗಳನ್ನು ಅಮಾನತು ಮಾಡಲಾಗಿದೆ.

ದೊಡ್ಡಬಳ್ಳಾಪುರ: ಎರಡು ಪೊಲೀಸ್ ಠಾಣೆಗಳ ಸರಹದ್ದು ಸಮಸ್ಯೆಯಿಂದ ಪ್ರಕರಣ ದಾಖಲು ಮಾಡಲು ವಿಳಂಬವಾಗಿತ್ತು. ಈ ಬಗ್ಗೆ ಮಾಧ್ಯಮಗಳಲ್ಲಿ ವರದಿಯಾದ ಹಿನ್ನೆಲೆ ಕರ್ತವ್ಯ ಲೋಪ ಆರೋಪದ ಮೇಲೆ ಇಬ್ಬರು ಸಬ್​​ಇನ್ಸ್​​ಪೆಕ್ಟರ್​​​ಗಳನ್ನು ಅಮಾನತು ಮಾಡಲಾಗಿದೆ.

ಏನಿದು ಪ್ರಕರಣದ ಹಿನ್ನೆಲೆ:

ನವೆಂಬರ್ 22ರಂದು ದೊಡ್ಡಬಳ್ಳಾಪುರ ತಾಲೂಕಿನ ಅಪ್ಪಕಾರನಹಳ್ಳಿ ಗ್ರಾಮದ ರಸ್ತೆ ಬದಿಯ ಟಾಟಾ ಏಸ್ ವಾಹನದಲ್ಲಿ ಯಲಹಂಕದ ಪುಟ್ಟೆನಹಳ್ಳಿಯ ಬೀರೇಗೌಡನ ಮೃತ ದೇಹ ಪತ್ತೆಯಾಗಿತ್ತು. ದುಷ್ಕರ್ಮಿಗಳು ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿತ್ತು. ಕೊಲೆಯಾದ ಸ್ಥಳ ತ್ಯಾಮಗೊಂಡ್ಲು ಪೊಲೀಸ್ ಠಾಣಾ ಮತ್ತು ದೊಡ್ಡಬೆಳವಂಗಲ ಪೊಲೀಸ್ ಠಾಣಾ ವ್ಯಾಪ್ತಿಯ ಗಡಿಯಲ್ಲಿದ್ದು, ಸರಹದ್ದಿನ ಗೊಂದಲದಿಂದ ಪ್ರಕರಣ ದಾಖಲಿಸಿಕೊಳ್ಳಲು ಪೊಲೀಸರು ವಿಳಂಬ ಮಾಡಿದ್ದರು ಎನ್ನಲಾಗಿದೆ. ಈ ಬಗ್ಗೆ ಮಾಧ್ಯಮಗಳಲ್ಲಿ ಬಿತ್ತರವಾದ ವರದಿಗಳ ಹಿನ್ನೆಲೆಯಲ್ಲಿ ಇಬ್ಬರು ಸಬ್ಇನ್ಸ್​​​ಪೆಕ್ಟರ್​​ಗಳನ್ನು ಅಮಾನತುಗೊಳಿಸಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರವಿ ಡಿ. ಚನ್ನಣ್ಣನವರ್​ ಆದೇಶ ಹೊರಡಿಸಿದ್ದಾರೆ.

ವಾಹನದಲ್ಲಿ ಯಲಹಂಕದ ಪುಟ್ಟೆನಹಳ್ಳಿಯ ಬೀರೇಗೌಡನ ಮೃತ ದೇಹ ಪತ್ತೆಯಾಗಿತ್ತು

ಇದನ್ನು ಓದಿ:ವೀರಶೈವ ಲಿಂಗಾಯತ ಮೀಸಲಾತಿ ತೀರ್ಮಾನ ದಿಢೀರ್​ ಕೈಬಿಟ್ಟ ಬಿಎಸ್​ವೈ

ಇಬ್ಬರು ಪಿಎಸ್ಐ ಅಮಾನತು:

ನೆಲಮಂಗಲ ತಾಲೂಕಿನ ತ್ಯಾಮಗೊಂಡ್ಲು ಪೊಲೀಸ್ ಠಾಣೆ ಸಬ್ಇನ್ಸ್​​​ಪೆಕ್ಟರ್ ಅರುಣ್​​​ ಕುಮಾರ್, ದೊಡ್ಡಬೆಳವಂಗಲ ಪೊಲೀಸ್ ಠಾಣೆ ಸಬ್ಇನ್ಸ್​​​ಪೆಕ್ಟರ್ ಮಂಜೇಗೌಡ ಅಮಾನತುಗೊಂಡವರು.