ಬೆಂಗಳೂರಲ್ಲಿ ಸುಶೀಲ್ ಕುಮಾರ್ ಮೋದಿ ಸಭೆ: ಜಿಎಸ್​ಟಿ ಬಗ್ಗೆ ಚರ್ಚೆ

ಆರ್ ಎಫ್ ಐ ಡಿ ಅಳವಡಿಕೆಯಿಂದ ಕಳ್ಳ ರಸೀದಿಗಳು ನಿಯಂತ್ರಣವಾಗಲಿವೆ. ವ್ಯಾಟ್ ತೆರಿಗೆಯಿಂದ ಸರ್ಕಾರದ ಆದಾಯದಲ್ಲಿ ಏರುಪೇರು ಕಾಣುತ್ತಿತ್ತು. ಆದರೆ ಜಿ ಎಸ್ ಟಿ ಬಂದ ಮೇಲೆ ಶೇ.14 ರಷ್ಟು ಪ್ರಗತಿ ಕಾಣುತ್ತಿದೆ.

ಬೆಂಗಳೂರು:ಬಿಹಾರ ರಾಜ್ಯದ ಉಪಮುಖ್ಯಮಂತ್ರಿ ಸುಶೀಲ್ ಕುಮಾರ್ ಮೋದಿ ಇಂದು ಬೆಂಗಳೂರಿಗೆ ಆಗಮಿಸಿ ಜಿಎಸ್​ಟಿ ಬಗ್ಗೆ ಸಹಕಾರಿ ಸಚಿವರಾದ ಬಂಡೆಪ್ಪ ಕಾಶಪ್ಪನವರ್ ಜೊತೆ ವಿಸ್ತೃತವಾಗಿ ಚರ್ಚೆ ನಡೆಸಿದರು.

ಬಿಹಾರ ರಾಜ್ಯದ ಉಪಮುಖ್ಯಮಂತ್ರಿ ಸುಶೀಲ್ ಕುಮಾರ್ ಮೋದಿ ಬೆಂಗಳೂರಿಗೆ ಭೇಟಿ

ನಗರದ ಖಾಸಗಿ ಹೋಟೆಲ್​ನಲ್ಲಿ ನಡೆದ ಚರ್ಚೆಯಲ್ಲಿ ಮಾತನಾಡಿದ ಬಿಹಾರ ರಾಜ್ಯದ ಉಪಮುಖ್ಯಮಂತ್ರಿ ಸುಶೀಲ್ ಕುಮಾರ್ ಮೋದಿ, ಜುಲೈ 1 ಕ್ಕೆ ಜಿಎಸ್​ಟಿ ಜಾರಿಯಾಗಿ ಎರಡು ವರ್ಷ ಆಗಲಿದೆ, ಜಿಎಸ್​ಟಿಯ ಎರಡನೇ ಸಂವತ್ಸರಕ್ಕೆ ಸರಳತೆ ಹಾಗೂ ಅನುಸರಣೆಯ ಬಗ್ಗೆ ಒತ್ತು ನೀಡಲಾಗುವುದು, ಐ ಟಿ ಸಂಸ್ಥೆಗಳು ಹೊಸ ಮಾದರಿಯ ತೆರಿಗೆ ಪಾವತಿಯನ್ನು ಕಂಡುಹಿಡಿದಿದ್ದಾರೆ. ಇದೆ ಅನುಸಾರದಂತೆ ಇನ್ಫೋಸಿಸ್ ಸಂಸ್ಥೆ ತೆರಿಗೆ ಪಾವತಿ ಬಗ್ಗೆ ಪ್ರೋಟೋಟೈಪ್ಸ್ ತಯಾರಿಸಿದ್ದಾರೆ, ಅದನ್ನು ಜುಲೈ 1 ಕ್ಕೆ ಬಿಡುಗಡೆ ಮಾಡಲಿದ್ದೇವೆ ಎಂದು ಸುಶೀಲ್ ಕುಮಾರ್ ಮೋದಿ ತಿಳಿಸಿದರು.

ಬಿಹಾರ ರಾಜ್ಯದ ಉಪಮುಖ್ಯಮಂತ್ರಿ ಸುಶೀಲ್ ಕುಮಾರ್ ಮೋದಿ ಬೆಂಗಳೂರಿಗೆ ಭೇಟಿ

ಪೂರ್ಣಪ್ರಮಾಣದಲ್ಲಿ ಆನ್​ಲೈನ್​ನಲ್ಲಿ ತೆರಿಗೆ ಪಾವತಿ ಹಾಗೂ ತೆರಿಗೆ ರಿಟರ್ನ್ಸ್ ಅಳವಡಿಸಲಿದ್ದೇವೆ. ಈಗಾಗಲೇ ಮೂರು ರಾಜ್ಯಗಳು ವಾಹನಗಳಿಗೆ ಆರ್ ಎಫ್ ಐ ಡಿ ಪ್ರಯೋಗಿಸಿದ್ದಾರೆ ಹಾಗೂ ಅದು ಯಶಸ್ವಿಯಾಗಿದೆ. ಇದನ್ನು ಎಲ್ಲಾ ರಾಜ್ಯಗಳಿಗೆ ಕೂಲಂಕುಶವಾಗಿ ಪರಿಶೀಲಿಸಿ ಮೂಡಿಸಲಿದ್ದೇವೆ ಎಂದು ತಿಳಿಸಿದರು.

ಆರ್ ಎಫ್ ಐ ಡಿ ಅಳವಡಿಕೆಯಿಂದ ಕಳ್ಳ ರಸೀದಿಗಳು ನಿಯಂತ್ರಣವಾಗಲಿದೆ. ವ್ಯಾಟ್ ತೆರಿಗೆಯಿಂದ ಸರ್ಕಾರದ ಆದಾಯದಲ್ಲಿ ಏರುಪೇರು ಕಾಣುತ್ತಿತ್ತು. ಆದರೆ ಜಿ ಎಸ್ ಟಿ ಬಂದ ಮೇಲೆ ಶೇಕಡಾ 14 ರಷ್ಟು ಪ್ರಗತಿ ಕಾಣುತ್ತಿದೆ ಎಂದು ಹೇಳಿದರು.