ಬಿಗ್​ ಬಾಸ್​ ಮನೆ ಅನ್ನಪೂರ್ಣೆ ಔಟ್​... ಜೈ ಜಗದೀಶ್​ ನಂತ್ರ ಹೊರಬಂದ್ರು ಅವರ ಬೆಸ್ಟ್​​ buddy!

ಬಿಗ್​ ಬಾಸ್​ ಸೀಸನ್​ 7ರಿಂದ ಸುಜಾತಾ ಹೊರ ನಡೆದಿದ್ದಾರೆ. ಒಂದೂವರೆ ತಿಂಗಳ ತಮ್ಮ ಅನುಭವವನ್ನು ಕಿಚ್ಚ ಸುದೀಪನೊಂದಿಗೆ ನಾಳೆ ವೇದಿಕೆ ಹಂಚಿಕೊಳ್ಳಲಿದ್ದಾರೆ.

ಬೆಂಗಳೂರು: ಬಿಗ್ ಬಾಸ್ ಸೀಸನ್ 7ರ ಆರನೇ ವಾರದಲ್ಲಿ ಸುಜಾತ ಎಲಿಮಿನೇಟ್ ಆಗಿದ್ದಾರೆ. ಒಂದೂವರೆ ತಿಂಗಳು ಬಿಗ್ ಬಾಸ್ ಮನೆಯಲ್ಲಿದ್ದ ಸುಜಾತಾ ಅವರು ಹಿಂದಿರುಗಿದ್ದಾರೆ.

ಬಿಗ್ ಬಾಸ್ ಮನೆಗೆ ಹೋದ ಕೂಡಲೇ ಕಿಚನ್ ಜವಾಬ್ದಾರಿ ವಹಿಸಿಕೊಂಡಿದ್ದ ಸುಜಾತಾ, ಹಲವರಿಗೆ ಕಠಿಣ, ಕೆಲವರಿಗೆ ಆಪ್ತರಾಗಿದ್ದರು.

ಬಿಗ್​ ಬಾಸ್​ ಸ್ಪರ್ಧಿ ಸುಜಾತಾ

ಕಳೆದ ವಾರ ಬಿಗ್ ಬಾಸ್ ಮನೆಯಿಂದ ಹೊರ ಹೋಗಲು ಒಟ್ಟು 5 ಸದಸ್ಯರು ನಾಮಿನೇಟ್ ಆಗಿದ್ದರು. ದೀಪಿಕಾ ದಾಸ್, ಸುಜಾತಾ, ಕಿಶನ್, ಚಂದನ್ ಆಚಾರ್ ಹಾಗೂ ಕುರಿ ಪ್ರತಾಪ್ ಎಲಿಮಿನೇಷನ್​ಗೆ ನಾಮಿನೇಟ್ ಆಗಿದ್ದರು. ವಿಶೇಷ ಎಂದರೆ ಸುಜಾತ ಅವರಿಗೆ ಆಪ್ತರಾಗಿದ್ದ ಜೈ ಜಗದೀಶ್ ಅವರೇ ಮನೆಯಿಂದ ಹೊರ‌‌ ಹೋಗುವಾಗ ಸುಜಾತ ಅವರನ್ನು ನೇರವಾಗಿ ನಾಮಿನೇಟ್ ಮಾಡಿದ್ದರು.

ಮೊದಲ ವಾರ ಗುರುಲಿಂಗ ಸ್ವಾಮಿಗಳು, ಎರಡನೇ ವಾರ ಚೈತ್ರಾ ವಾಸುದೇವನ್, ಮೂರನೇ ವಾರ ದುನಿಯಾ ರಶ್ಮಿ, ನಾಲ್ಕನೇ ವಾರ ಚೈತ್ರಾ ಕೊಟ್ಟೂರು ಐದನೇ ವಾರ ಜೈಜಗದೀಶ್ ಅವರು ಬಿಗ್ ಬಾಸ್ ಮನೆಯಿಂದ ಹೊರ ಬಂದಿದ್ದರು.‌

ಕಳೆದ ವಾರ ಸುದೀಪ್ ಯಾರಿಗೆ ಎಷ್ಟು‌ ಮತಗಳು ಬಂದಿವೆ ಎಂಬ ಲೆಕ್ಕಾಚಾರ ಪ್ರಕಟಿಸಿದಾಗಲೇ ಮುಂದಿನ ವಾರ ಸುಜಾತ ಮನೆಯಿಂದ ‌ಹೊರ ಹೋಗಬಹುದೆಂಬ‌ ಸುಳಿವು ಸಿಕ್ಕಿತ್ತು. ದೀಪಿಕಾ, ಕಿಶನ್, ಕುರಿ ಪ್ರತಾಪ್ ಹಾಗೂ ಚಂದನ್ ಆಚಾರ್ ಸೇಫ್ ಆಗಿದ್ದಾರೆ.‌

ನಾಳಿನ ಸಂಚಿಕೆಯಲ್ಲಿ ಕಿಚ್ಚ ಸುದೀಪ್ ಅವರ ಜೊತೆ ವೇದಿಕೆ ಹಂಚಿಕೊಳ್ಳಲಿರುವ ಸುಜಾತ ಅವರು ತಮ್ಮ ಬಿಗ್ ಬಾಸ್ ಜರ್ನಿಯ ಅನುಭವವನ್ನು ಹಂಚಿಕೊಳ್ಳಲಿದ್ದಾರೆ.