ಬೆಂಗಳೂರು:ಸಿಲಿಕಾನ್ ಸಿಟಿಯಲ್ಲಿ ಮತ್ತೆ ಕಳ್ಳರ ಕೃತ್ಯ ಬೆಳಕಿಗೆ ಬಂದಿದೆ. ವಿದೇಶಿ ವ್ಯಕ್ತಿ ಬೈಕ್ನಲ್ಲಿ ಕಳ್ಳತನ ಮಾಡಿರುವ ಕ್ಯಾಬ್ ಚಾಲಕನ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಪೊಲೀಸರು ಆರೋಪಿ ಪತ್ತೆಗೆ ಜಾಲ ಬೀಸಿದ್ದಾರೆ.
ರೆನಿಟೂ ಬೆಟಿಸ್ಟಾ ಎಂಬ ವಿದೇಶಿ ವ್ಯಕ್ತಿ ಹೆಬ್ಬಾಳ ಬಳಿ ಇರುವ ಅರಮನೆ ಮೈದಾನದ ಪಾರ್ಕಿಂಗ್ನಲ್ಲಿ ತನ್ನ ಬೈಕ್ ನಿಲ್ಲಿಸಿದ್ದರು. ಬಳಿಕ ಜಪಾನ್ ಮೂಲದ ಕಾರ್ಯಕ್ರಮಕ್ಕೆ ಬಾಣಸಿಗನಾಗಿ ತೆರಳಿದ್ದರು.
ಅರಮನೆ ಮೈದಾನದ ಪಾರ್ಕಿಂಗ್ನಲ್ಲಿ ಬೈಕ್ ನಿಲ್ಲಿಸಿದ್ದನ್ನು ಓಲಾ ಕ್ಯಾಬ್ ಚಾಲಕ ಗಮನಿಸಿದ್ದಾನೆ. ಬೈಕ್ ಡಿಕ್ಕಿಯಲ್ಲಿ ಇಟ್ಟಿದ್ದ 20 ಸಾವಿರ ನಗದು, ಅಂತಾರಾಷ್ಟ್ರೀಯ ಡಿಎಲ್ ಹಾಗೂ 10 ಸಾವಿರ ಮೌಲ್ಯದ ಸನ್ ಗ್ಲಾಸ್ನ್ನು ಎಗರಿಸಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.
ಬಾಣಸಿಗ ಕೆಲಸ ಮುಗಿಸಿ ಹೊರ ಬಂದು ನೋಡಿದಾಗ ಕಳ್ಳತನ ವಿಚಾರ ತಿಳಿದು ಬಂದಿದೆ. ತಕ್ಷಣ ಅಲ್ಲಿನ ಸಿಸಿಟಿವಿ ದೃಶ್ಯ ನೋಡಿದಾಗ ಓಲಾ ಕ್ಯಾಬ್ ಚಾಲಕ ಕಳ್ಳತನ ಮಾಡಿರುವುದು ಬೆಳಕಿಗೆ ಬಂದಿದೆ. KA 03 AC 4413 ಕ್ಯಾಬ್ನಲ್ಲಿ ಬಂದ ಚಾಲಕ ಕೃತ್ಯ ವೆಸಗಿದ್ದು ತಿಳಿದುಬಂದಿದೆ.
ಇನ್ನೂ ಈ ಘಟನೆ ಕುರಿತು ಸದಾಶಿವನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
