ಬೆಂಗಳೂರು :ಬಿಬಿಎಂಪಿಯಲ್ಲಿ ಸದ್ಯ ಅಧಿಕಾರದಲ್ಲಿರುವ ಮೈತ್ರಿ ಆಡಳಿತದ 12 ಸ್ಥಾಯಿ ಸಮಿತಿಗಳ ಚುನಾವಣೆಯೂ ಮೇಯರ್ ಚುನಾವಣೆ ಜೊತೆಗೆ ನಡೆಯುವುದು ಬಹುತೇಕ ಖಚಿತವಾಗಿದ್ದು, ಸೆಪ್ಟೆಂಬರ್‌ 27 ರಂದೇ ಸ್ಥಾಯಿ ಸಮಿತಿಗಳ ಚುನಾವಣೆ ನಡೆಯಲಿದೆಯೆಂದು ವಿರೋಧ ಪಕ್ಷದ ನಾಯಕ ಪದ್ಮನಾಭ ರೆಡ್ಡಿ ಹೇಳಿದ್ದಾರೆ.
ಮೈತ್ರಿ ಆಡಳಿತದ ಸ್ಥಾಯಿ ಸಮಿತಿ ಅಧಿಕಾರಾವಧಿ ಮೊಟಕು : 28 ರಂದೇ ಚುನಾವಣೆ ಸಾಧ್ಯತೆ
ಕೆಎಂಸಿ ಕಾಯ್ದೆ ಪ್ರಕಾರ, ಸ್ಥಾಯಿ ಸಮಿತಿಗಳಿಗೆ ಒಂದು ವರ್ಷ ಅಧಿಕಾರಾವಧಿಯಿದ್ದು, ಈ ಪ್ರಕಾರ ಡಿಸೆಂಬರ್ ತಿಂಗಳಿನವರೆಗೆ ಅಧಿಕಾರಾವಧಿ ಇರಲಿದೆ. ಆದರೆ ಮುಂದಿನ ಬಾರಿ ಬಿಜೆಪಿ ಮೇಯರ್ ಸ್ಥಾನ ಅಲಂಕರಿಸುವುದು ಬಹುತೇಕ ಖಚಿತವಾಗಿರುವುದುದರಿಂದ, ಮೇಯರ್ ಚುನಾವಣೆಯ ಜೊತೆಯೇ ಸ್ಥಾಯಿ ಸಮಿತಿಗಳಿಗೂ ಚುನಾವಣೆ ನಡೆಸುವಂತೆ ಒತ್ತಾಯಿಸಿ ಬಿಜೆಪಿ, ರಾಜ್ಯ ಚುನಾವಣಾ ಆಯೋಗಕ್ಕೆ ಪತ್ರ ಬರೆದಿದ್ದರು.