ನೂತನ ಶಿಕ್ಷಣ ಸಚಿವರ ಅಧ್ಯಕ್ಷತೆಯಲ್ಲಿ ಆಗಸ್ಟ್ 9ರಂದು ಪ್ರಕಟವಾಗಲಿದೆ SSLC ಫಲಿತಾಂಶ

ಎಸ್​ಎಸ್​ಎಲ್​ಸಿ ಪರೀಕ್ಷಾ ಫಲಿತಾಂಶ ಆಗಸ್ಟ್​9 ರಂದು ಪ್ರಕಟಣೆಯಾಗಲಿದ್ದು, ಫಲಿತಾಂಶವನ್ನ ವಿದ್ಯಾರ್ಥಿಗಳ ನೋಂದಣಿ ಸಂಖ್ಯೆ ಎಸ್​ಎಂಎಸ್ ಮುಖಾಂತರ ಕಳುಹಿಸಲಾಗುತ್ತೆ.

ಬೆಂಗಳೂರು: ಈ ಬಾರಿಯ ಎಸ್​ಎಸ್​ಎಲ್​ಸಿ ಪರೀಕ್ಷಾ ಫಲಿತಾಂಶ ನೂತನ ಶಿಕ್ಷಣ ಸಚಿವ ಬಿ ಸಿ ನಾಗೇಶ್ ಅಧ್ಯಕ್ಷತೆಯಲ್ಲಿ ಆಗಸ್ಟ್​9 ರಂದು ಪ್ರಕಟಣೆಯಾಗಲಿದೆ.

ಸೋಮವಾರ ಮಧ್ಯಾಹ್ನ 3.30ಕ್ಕೆ ಮಲ್ಲೇಶ್ವರಂನ ಪರೀಕ್ಷಾ ಮಂಡಳಿಯಲ್ಲಿ ಶಿಕ್ಷಣ ಸಚಿವ ಬಿ ಸಿ ನಾಗೇಶ್ ರಿಸಲ್ಟ್​ ಪ್ರಕಟಿಸಲಿದ್ದಾರೆ. ಫಲಿತಾಂಶವನ್ನ ವಿದ್ಯಾರ್ಥಿಗಳ ನೋಂದಣಿ ಸಂಖ್ಯೆ ಎಸ್​ಎಂಎಸ್ ಮುಖಾಂತರ ಕಳುಹಿಸಲಾಗುತ್ತೆ. ಕೊರೊನಾ ಆತಂಕದ ನಡುವೆಯು ಶೇ. 99.65ರಷ್ಟು ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು. ಇದೀಗ ಅವರ ಭವಿಷ್ಯ ಸೋಮವಾರ ಲಭ್ಯವಾಗಲಿದೆ.

ಸಾಂಕ್ರಾಮಿಕ ಕೊರೊನಾ ಕಾರಣಕ್ಕೆ ಇದೇ ಮೊದಲ ಬಾರಿಗೆ ಎಸ್ಎಸ್ಎಲ್​ಸಿ ಪರೀಕ್ಷೆ ಮಾದರಿ ಬದಲಾಯಿಸಲಾಗಿತ್ತು. ಆರು ದಿನಗಳ ಕಾಲ ನಡೆಯುತ್ತಿದ್ದ ಪರೀಕ್ಷೆಯನ್ನ ಎರಡು ದಿನಗಳಲ್ಲಿ ನಡೆಸಲಾಯ್ತು. ವಿದ್ಯಾರ್ಥಿಗಳ ಕಲಿಕಾ ಗುಣಮಟ್ಟ ಅಳೆಯಲು ಪರೀಕ್ಷೆ ಅನಿವಾರ್ಯ ಎಂದು ಕೊರೊನಾ ಮಧ್ಯೆಯೂ ಯಶಸ್ವಿಯಾಗಿ ರಾಜ್ಯಾದ್ಯಂತ ಪರೀಕ್ಷೆ ನಡೆಸಲಾಯ್ತು. ಜುಲೈ 19-22ರಂದು ನಡೆದಿದ್ದ ಪರೀಕ್ಷೆಯ ಫಲಿತಾಂಶ ಆಗಸ್ಟ್ 9 ಕ್ಕೆ ಹೊರ ಬೀಳುತ್ತಿದೆ.