ಕಾಯಕವೇ ಕೈಲಾಸ ಅಂತ ಹೇಳಿದ್ರೆ ಸಾಕಾಗಲ್ಲ, ಉದ್ಯೋಗ ಸೃಷ್ಠಿ ಹೇಳಿದಷ್ಟು ಸುಲಭವಲ್ಲ: ಸಿದ್ದು ಟಾಂಗ್​​

ನಿರ್ಮಲಾ ಸೀತಾರಾಮನ್​ ಮಂಡನೆ ಮಾಡಿರುವ ಬಜೆಟ್​ ಬಗ್ಗೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಟ್ವೀಟ್​ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

ಬೆಂಗಳೂರು:ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್​ ಮಂಡನೆ ಮಾಡಿರುವ ಚೊಚ್ಚಲ ಬಜೆಟ್​ಗೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಟ್ವಿಟರ್​ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

ಕೇಂದ್ರದ ಬಜೆಟ್​ಗೆ ಲೇವಡಿ ಮಾಡಿ ಟ್ವೀಟ್​ ಮಾಡಿರುವ ಸಿದ್ಧರಾಮಯ್ಯ, ಚಿಪ್ಪುನಲ್ಲಿ ಕೇಂದ್ರ ಬಜೆಟ್​ ನೀಡಿದ್ದಾರೆ, ಎಲ್ಲವೂ ಸೂರ್ಯನ ಕೆಳಗಿವೆ, ಆದರೆ, ಯಾವುದು ಕೈಗೆ ಸಿಗುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ.

ಪ್ರಸಕ್ತ ಸಾಲಿನ ಬಜೆಟ್​​ನಲ್ಲಿ ಘೋಷಣೆಯಾಗಿರುವ ಯಾವುದೇ ಯೋಜನೆ ಅಷ್ಟೊಂದು ಸುಲಭವಾಗಿ ಜನರಿಗೆ ಲಭ್ಯವಾಗುವುದಿಲ್ಲ. ಅವೆಲ್ಲವೂ ಕೇವಲ ಬಜೆಟ್​​ ಪ್ರತಿಯಲ್ಲಿ ಮಾತ್ರ ಇರಲಿವೆ ಎಂಬ ರೀತಿಯಲ್ಲಿ ಅವರು ಹೇಳಿದ್ದಾರೆ.

ಇದರ ಜತೆಗೆ ಸರಣಿ ಟ್ವೀಟ್ ಮಾಡಿ ಕೇಂದ್ರ ಸರ್ಕಾರದ ಕಾಲೆಳೆಯುವ ಕೆಲಸ ಮಾಡಿದ್ದಾರೆ.