ಮಹಿಳಾ ಉದ್ಯಮಿಗಳಿಂದ ಮಾರುಕಟ್ಟೆಗೆ ಬಂತು ಸೆನ್ಸಿಬಲ್ ಆಕ್ಸಿಜನ್ ಜನರೇಟರ್

ಜೆಎಸ್​ಎಲ್​ಆರ್​ ವೆಲ್ನೆಸ್ ಗ್ರೂಪ್​ಗೆ ಸೇರಿದ ಉರ್ಬ್ ಆಕ್ಸ್ ಇಂಡಿಯಾವು ಮಹಿಳಾ ಉದ್ಯಮಿಗಳ ಸಮೂಹವಾಗಿದೆ. ಇದು ಉರ್ಬ್ ಆಕ್ಸ್ ಸ್ಮಾರ್ಟ್ ಸೆನ್ಸಿಬಲ್ ಆಕ್ಸಿಜನ್ ಜನರೇಟರ್​ ಸಿದ್ಧಪಡಿಸಿದೆ.

ಬೆಂಗಳೂರು: ಜಗತ್ತು ಹೊಸ ಆವಿಷ್ಕಾರಕ್ಕೆ ತೆರೆದುಕೊಳ್ಳುತ್ತಿದ್ದು, ಆತ್ಮ ನಿರ್ಭರ ಭಾರತ ಅಭಿಯಾನದಿಂದ ಪ್ರೇರಿತರಾಗಿ ಮೇಡ್ ಇನ್ ಇಂಡಿಯಾ - ಉರ್ಬ್ ಆಕ್ಸ್ ಸ್ಮಾರ್ಟ್ ಸೆನ್ಸಿಬಲ್ ಆಕ್ಸಿಜನ್ ಜನರೇಟರ್​ನನ್ನು ಜೆಎಸ್​ಎಲ್​ಆರ್​ ವೆಲ್ನೆಸ್ ಗ್ರೂಪ್​​ ಸಿದ್ಧಪಡಿಸಿದೆ.

ಜೆಎಸ್​ಎಲ್​ಆರ್​ ವೆಲ್ನೆಸ್ ಗ್ರೂಪ್​ಗೆ ಸೇರಿದ ಉರ್ಬ್ ಆಕ್ಸ್ ಇಂಡಿಯಾವು ಮಹಿಳಾ ಉದ್ಯಮಿಗಳ ಸಮೂಹವಾಗಿದೆ. ಮಾಲಿನ್ಯದ ಪ್ರಮಾಣ ಮತ್ತು ಅನಾರೋಗ್ಯಕರ ವಾಯು ಗುಣಮಟ್ಟವು ಜಾಗತಿಕವಾಗಿ ವಿಪರೀತವಾಗಿದೆ. ಹೀಗಾಗಿ ಸಾಕಷ್ಟು ಸಂಶೋಧನೆ ನಡೆಸಿ, ಉರ್ಬ್ ಆಕ್ಸ್ ಸ್ಮಾರ್ಟ್ ಸೆನ್ಸಿಬಲ್ ಆಕ್ಸಿಜನ್ ಜನರೇಟರ್​ನನ್ನು ಸಿದ್ಧಪಡಿಸಲಾಗಿದೆ.

ಇದು ಆಕ್ಸಿಜನ್ ಕೊರತೆ ನಿಭಾಯಿಸಿ ಒಳಾಂಗಣದಲ್ಲಿ ಶುದ್ಧ ಮತ್ತು ತಾಜಾ ಆಮ್ಲಜನಕವನ್ನ ಬಿಡುಗಡೆ ಮಾಡಲಿದೆ. ಈ ಸಾಧನವೂ ಹೊಸದಾಗಿ ಉತ್ಪತ್ತಿಯಾಗುವ ಆಮ್ಲಜನಕ - ಸಮೃದ್ಧ ಗಾಳಿಯಲ್ಲಿ ಉಸಿರಾಡಲು ಒಳಗಿರುವವರಿಗೆ ಅವಕಾಶ ಮಾಡಿಕೊಡುತ್ತದೆ. ಕಡಿಮೆ ಶಕ್ತಿಯ ಬಳಕೆ ಮತ್ತು ಕಡಿಮೆ ಶಬ್ಧದೊಂದಿಗೆ ತಾಜಾ ಆಮ್ಲಜನಕವನ್ನು ಉತ್ಪಾದಿಸಲು ವರ್ಷಕ್ಕೆ 245 ದಿನವೂ ನಿರಂತರವಾಗಿ ಚಲಾಯಿಸಬಹುದಾಗಿದೆ.