ಐಎಂಎ ವಂಚನೆ ಪ್ರಕರಣ: ವಿಚಾರಣೆಗೆ ಹಾಜರಾಗುವಂತೆ ರೋಷನ್​ ಬೇಗ್​ಗೆ ಎಸ್ಐಟಿ ನೋಟಿಸ್​

ಐಎಂಎ ವಂಚನೆ ಪ್ರಕರಣ. ವಿಚಾರಣೆಗೆ ಹಾಜರಾಗುವಂತೆ ರೋಷನ್ ಬೇಗ್​ ಅವರಿಗೆ ಎಸ್​ಐಟಿ ನೋಟಿಸ್. ಇಂದು ತನಿಖಾ ತಂಡದ ಮುಂದೆ ಬೇಗ್ ಹಾಜರಾಗುವ ಸಾಧ್ಯತೆ.

ಬೆಂಗಳೂರು: ಐಎಂಎ ವಂಚನೆ ಪ್ರಕರಣ ಸಂಬಂಧ ವಿಚಾರಣೆ ಹಾಜರಾಗುವಂತೆ ಮಾಜಿ ಸಚಿವ ಆರ್.ರೋಷನ್ ಬೇಗ್​ಗೆ ಎಸ್​ಐಟಿ ನೋಟಿಸ್ ನೀಡಿದೆ.

ಐಎಂಎ ಸಂಸ್ಥೆಯ ಮಾಲೀಕ‌‌ ಮೊಹಮ್ಮದ್ ಮನ್ಸೂರ್​​​ ಜೊತೆ ರೋಷನ್ ಬೇಗ್ ಹಣದ ವ್ಯವಹಾರ ನಡೆಸಿದ್ದಾರೆ ಎಂಬುದನ್ನು ತನಿಖೆಯಲ್ಲಿ ಎಸ್ಐಟಿ ಪತ್ತೆ ಹಚ್ಚಿತ್ತು.

ಈ ಹಿನ್ನೆಲೆಯಲ್ಲಿ ಗುರುವಾರ ವಿಚಾರಣೆಗೆ ಹಾಜರಾಗುವಂತೆ ರೋಷನ್ ಬೇಗ್ ಅವರಿಗೆ ನೋಟಿಸ್ ನೀಡಿದೆ. ಬುಧವಾರವಷ್ಟೇ ಸ್ವೀಕರ್ ಕಚೇರಿಗೆ ತೆರಳಿ ಬೇಗ್ ಅವರು ಶಾಸಕ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದರು.