ಬೆಂಗಳೂರು :ಬೆಳ್ಳಂಬೆಳಗ್ಗೆ ಸರಣಿ ರಾಬರಿ, ದರೋಡೆಗೆ ಕೈ ಹಾಕುತ್ತೆ ಈ ಖತರ್ನಾಕ್ ಗ್ಯಾಂಗ್. ರಾಜಧಾನಿಯ ವಸಂತನಗರದ 4ನೇ ಮುಖ್ಯ ರಸ್ತೆಯಲ್ಲಿ ಇಂದು ದರೋಡೆ ನಡೆದಿದೆ.
ಬೆಳಗ್ಗೆ ಸುಮಾರು 5 ಗಂಟೆಯ ಸಮಯದಲ್ಲಿ ಮಿಲ್ಕ್ ಶಾಪ್ಗಳನ್ನೇ ಟಾರ್ಗೆಟ್ ಮಾಡಿ ಕಳ್ಳತನ, ದರೋಡೆ ನಡೆಸಲಾಗುತ್ತಿದೆ. ಲಾಂಗ್, ಕತ್ತಿ ತೋರಿಸಿ ಹಣ ದರೋಡೆಗೆ ಯತ್ನಿಸಿರುವುದು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕಳೆದ ಎರಡ್ಮೂರು ತಿಂಗಳಿಂದ ಒಂದೇ ಏರಿಯಾದಲ್ಲಿ ಐದಾರು ಬಾರಿ ಇಂತಹ ಕೃತ್ಯಕ್ಕೆ ಕೈ ಹಾಕಲಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.
ದರೋಡೆ ಕುರಿತು ಅಂಗಡಿ ಮಾಲೀಕ ಮಂಜುನಾಥ್ ಪ್ರತಿಕ್ರಿಯೆ
ಹಾಲಿನ ಅಂಗಡಿಗೆ ನುಗ್ಗಿ ಹಣ ಕಸಿದು ಪರಾರಿ ಆಗಿರುವ ಪ್ರಾಥಮಿಕ ಮಾಹಿತಿ ಲಭ್ಯವಾಗಿದೆ. ಡಿಯೋ ಬೈಕ್ನಲ್ಲಿ ಬಂದಿದ್ದ ಇಬ್ಬರಿಂದ ಕೃತ್ಯ ನೆಡೆದಿದೆ. ಕುತ್ತಿಗೆಗೆ ಮಚ್ಚು ಇಟ್ಟು ರಾಬರ್ಸ್ ಹಣ ಕಿತ್ತಿದ್ದಾರೆ.