ಕುಡಿದ ಮತ್ತು, ಚಾಲಕರ ಎಡವಟ್ಟು: ಆಟೋಗೆ ಕಾರು ಡಿಕ್ಕಿ, ಅಂಡರ್‌ಪಾಸ್​ನಲ್ಲಿ ಸಿಲುಕಿದ ಲಾರಿ

ಹೊಸ ವರ್ಷದ ರಾತ್ರಿ ಮದ್ಯ ಸೇವಿಸಿದ ಮತ್ತಿನಲ್ಲಿ ವಾಹನ ಚಾಲಕರಿಬ್ಬರು ಎಡವಟ್ಟು ಮಾಡಿಕೊಂಡ ಘಟನೆ ಬೆಂಗಳೂರು ನಗರದಲ್ಲಿ ನಡೆದಿದೆ.

ಬೆಂಗಳೂರು: ಕುಡಿದ ಮತ್ತಿನಲ್ಲಿ ಏಕಮುಖ (ಒನ್ ವೇ) ರಸ್ತೆಯಲ್ಲಿ ಸ್ವಿಫ್ಟ್‌ ಕಾರು ಚಲಾಯಿಸಿಕೊಂಡು ಬಂದ ಚಾಲಕನೋರ್ವ ಮುಂದೆ ಹೋಗುತ್ತಿದ್ದ ಆಟೋಗೆ ಗುದ್ದಿರುವ ಘಟನೆ ಆನಂದರಾವ್ ಸರ್ಕಲ್ ಬಳಿ ಮಧ್ಯರಾತ್ರಿ 1 ಗಂಟೆಯ ಸುಮಾರಿಗೆ ನಡೆದಿದೆ. ಘಟನೆಯಿಂದ ಯಾರಿಗೂ ಗಾಯಗಳಾಗಿಲ್ಲ. ಅಪಘಾತದ ರಭಸಕ್ಕೆ ಕಾರು ಮತ್ತು ಆಟೋ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಹೈಗ್ರೌಂಡ್ಸ್ ಸಂಚಾರ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆಯಿತು.

ಅಂಡರ್‌ಪಾಸ್​ ಒಳಗೆ ಸಿಲುಕಿದ ಗೂಡ್ಸ್​ ಲಾರಿ: ಚಾಲಕನ ನಿರ್ಲಕ್ಷ್ಯದಿಂದ ನಗರದ ಕೆ.ಆರ್.ಸರ್ಕಲ್ ಬಳಿಯ ಅಂಡರ್‌ಪಾಸ್ ಒಳಗೆ ಗೂಡ್ಸ್ ಲಾರಿ ಸಿಲುಕಿಕೊಂಡು ಕೆಲಕಾಲ ಪರದಾಡಿದ ಘಟನೆಯೂ ನಡೆಯಿತು. ನಾಗಾಲ್ಯಾಂಡ್ ರಾಜ್ಯದ ನೋಂದಣಿ ಹೊಂದಿರುವ ಡಿಎಫ್ಎಫ್​ಸಿ ಕಂಪನಿಗೆ‌ ಸೇರಿದ‌ ಲಾರಿ ಇದಾಗಿದ್ದು, ಟಯರ್ ಗಾಳಿ ತೆಗೆದ ಬಳಿಕ ಲಾರಿಯನ್ನು ಅಂಡರ್ ಪಾಸ್​ನಿಂದ ಹೊರತರಲಾಯಿತು.

ಇದನ್ನೂ ಓದಿ:ಅಜಾಗರೂಕತೆಯ ಬೈಕ್‌ ಚಾಲನೆ: ಲಾರಿಯಡಿ ಬಿದ್ದು ಬೈಕ್ ಸವಾರ ಸಾವು- ಸಿಸಿಟಿವಿ ದೃಶ್ಯ