ಕೇಂದ್ರದ ಪಟ್ಟಿಯಂತೆ ರಾಜ್ಯದಲ್ಲಿ ಮೂರು ಜಿಲ್ಲೆಗಳು ಮಾತ್ರ ಕೆಂಪು ವಲಯ: ಸಿಎಸ್ ಆದೇಶ

ಕೇಂದ್ರದ ಪಟ್ಟಿಯಲ್ಲಿರುವ ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಮತ್ತು ಮೈಸೂರು ಜಿಲ್ಲೆಗಳನ್ನು ಮಾತ್ರ ರೆಡ್​ಝೋನ್ ಎಂದು ಪರಿಗಣಿಸಲಾಗಿದೆ.

ಬೆಂಗಳೂರು:ನಾಳೆಯಿಂದ ರಾಜ್ಯದಲ್ಲಿ ಲಾಕ್​ಡೌನ್ 3.O ಪ್ರಾರಂಭವಾಗಲಿದ್ದು, ಕೇಂದ್ರ ಸರ್ಕಾರ ವರ್ಗೀಕರಿಸಿದ ರೆಡ್ ಝೋನ್​ಗಳನ್ನೇ ರಾಜ್ಯ ಸರ್ಕಾರ ಪರಿಗಣಿಸಿದೆ.

ಕೇಂದ್ರದ ಪಟ್ಟಿಯಂತೆ ರಾಜ್ಯದಲ್ಲಿ ಮೂರು ಜಿಲ್ಲೆಗಳು ಮಾತ್ರ ಕೆಂಪು ವಲಯ: ಸಿಎಸ್ ಆದೇಶ

ಕೇಂದ್ರದ ಪಟ್ಟಿಯಲ್ಲಿರುವ ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಮತ್ತು ಮೈಸೂರು ಜಿಲ್ಲೆಗಳನ್ನು ಮಾತ್ರ ರೆಡ್​ಝೋನ್ ಎಂದು ಪರಿಗಣಿಸಲಾಗಿದೆ. ಅದರಂತೆ ರಾಜ್ಯ ಸರ್ಕಾರ ವಲಯವಾರು ವರ್ಗೀಕರಣ ಮಾಡಿದೆ. ಮುಖ್ಯ ಕಾರ್ಯದರ್ಶಿ ವಿಜಯ ಭಾಸ್ಕರ್ ಈ ಸಂಬಂಧ ಆದೇಶ ಹೊರಡಿಸಿದ್ದು, ಕೇಂದ್ರ ಸರ್ಕಾರ ನೀಡಿರುವ ಪಟ್ಟಿಯಂತೆ ಬೆಂಗಳೂರು ನಗರ, ಬೆಂ.ಗ್ರಾಮಾಂತರ ಮತ್ತು ಮೈಸೂರನ್ನು ರೆಡ್​ಝೋನ್ ಎಂದು ಪರಿಗಣಿಸಿದೆ.

ಆ‌ ಮೂಲಕ ಈ ಮುಂಚೆ ತಾನೇ ವರ್ಗೀಕರಿಸಿದ ರೆಡ್​ಝೋನ್​ಗಳನ್ನು ರಾಜ್ಯ ಸರ್ಕಾರ ಕೈಬಿಟ್ಟಿದೆ. ರಾಜ್ಯ ಸರ್ಕಾರ ಈ ಮುಂಚೆ 6 ರೆಡ್​ಝೋನ್ ಅಂತಲೂ, 10 ಆರೇಂಜ್ ಝೋನ್ ಅಂತಲೂ ಹಾಗೂ 14 ಗ್ರೀನ್ ಝೋನ್ ಅಂತಲೂ ವರ್ಗೀಕರಿಸಿತ್ತು. ರೆಡ್ ಝೋನ್​ಗಳನ್ನೂ, ರೆಡ್​ಝೋನ್​ಗಳ‌ ಕಂಟೈನ್ಮೆಂಟ್ ವಲಯಗಳನ್ನೂ ಬಿಟ್ಟು ಉಳಿದ ಎಲ್ಲಾ ಕಡೆ ಕೇಂದ್ರದ ಮಾರ್ಗಸೂಚಿಗಳು ಯಥಾವತ್ತು ಜಾರಿ ಮಾಡಿದೆ.

ರಾಜ್ಯದಲ್ಲಿ ಯಾವುದು ಕೆಂಪು, ಕಿತ್ತಳೆ, ಹಸಿರು?:

ರೆಡ್​ಝೋನ್ ಜಿಲ್ಲೆಗಳು 3- ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಮತ್ತು ಮೈಸೂರು ಜಿಲ್ಲೆಗಳು.

ಆರೇಂಜ್ ಝೋನ್ ಜಿಲ್ಲೆಗಳು 13 - ಬೆಳಗಾವಿ, ವಿಜಯಪುರ, ಕಲಬುರ್ಗಿ, ಬಾಗಲಕೋಟೆ, ಮಂಡ್ಯ, ಬಳ್ಳಾರಿ, ಧಾರವಾಡ, ದಕ್ಷಿಣ ಕನ್ನಡ, ಬೀದರ್, ಚಿಕ್ಕಬಳ್ಳಾಪುರ, ಗದಗ್, ಉತ್ತರ ಕನ್ನಡ ಹಾಗೂ ತುಮಕೂರು,

ಗ್ರೀನ್ ಝೋನ್ ಜಿಲ್ಲೆಗಳು 14 - ದಾವಣಗೆರೆ, ಉಡುಪಿ, ಚಾಮರಾಜನಗರ, ಚಿಕ್ಕಮಗಳೂರು, ಚಿತ್ರದುರ್ಗ, ಹಾಸನ, ಹಾವೇರಿ, ಕೊಡಗು, ಕೋಲಾರ, ಕೊಪ್ಪಳ, ರಾಯಚೂರು, ಶಿವಮೊಗ್ಗ, ರಾಮನಗರ, ಯಾದಗಿರಿ,