ವಾಸ್ತವತೆ ಅರ್ಥ ಮಾಡಿಕೊಂಡು ಸಿಎಂ ರಾಜೀನಾಮೆ ಕೊಡಲಿ: ಸುರೇಶ್ ಕುಮಾರ್

ರಾಮಲಿಂಗಾರೆಡ್ಡಿ ವಿಶ್ವನಾಥ್ ಅವರಂಥ ಹಿರಿಯರೇ ರಾಜೀನಾಮೆ ಕೊಡುತ್ತಾರೆ ಎಂದರೆ, ಮೈತ್ರಿ ಪಕ್ಷದೊಳಗಿನ ಒಳಬೇಗುದಿ ಯಾವ ಮಟ್ಟದಲ್ಲಿ ಸ್ಪೋಟಗೊಂಡಿದೆ ಎಂಬುದು ಗೊತ್ತಾಗುತ್ತದೆ‌. ಈ ಸರ್ಕಾರ ಆಡಳಿತ ನಡೆಸುವಷ್ಟು ಶಾಸಕರನ್ನು ಕಳ್ಕೊಂಡಿದೆ, ಮೈತ್ರಿ ಸರ್ಕಾರಕ್ಕೆ ಬಹುಮತ ಇಲ್ಲ ಕೂಡಲೇ ರಾಜಿನಾಮೆ ನೀಡಬೇಕು ಎಂದರು.

ಬೆಂಗಳೂರು: ಇಂದು ಇನ್ನೂ ಮೂವರು ರಾಜೀನಾಮೆ ನೀಡಿದ್ದಾರೆ ಅಂದರೆ ಇದು ಗೋಡೆಯ ಮೇಲಿನ ಬರಹದಷ್ಟೇ ಸ್ಪಷ್ಟ.ಮೈತ್ರಿ ಸರ್ಕಾರ ಬಹುಮತ ಕಳೆದುಕೊಂಡಿದೆ‌.ಇನ್ನಾದರೂ ಸಿಎಂ ಕುನಾರಸ್ವಾಮಿ ವಾಸ್ತವತೆಯನ್ನು ಅರ್ಥ ಮಾಡಿಕೊಂಡು ರಾಜೀನಾಮೆ ಕೊಡಬೇಕು ಎಂದು ಮಾಜಿ ಸಚಿವ ಸುರೇಶ್ ಕುಮಾರ್ ಆಗ್ರಹಿಸಿದ್ದಾರೆ.

ಬಿಜೆಪಿ ಕಚೇರಿಯಲ್ಲಿ ಮಾತನಾಡಿದ ಅವರು,ರಾಮಲಿಂಗಾರೆಡ್ಡಿ ವಿಶ್ವನಾಥ್ ಅವರಂಥ ಹಿರಿಯರೇ ರಾಜೀನಾಮೆ ಕೊಡುತ್ತಾರೆ ಎಂದರೆ, ಮೈತ್ರಿ ಪಕ್ಷದೊಳಗಿನ ಒಳಬೇಗುದಿ ಯಾವ ಮಟ್ಟದಲ್ಲಿ ಸ್ಪೋಟಗೊಂಡಿದೆ ಎಂಬುದು ಗೊತ್ತಾಗುತ್ತದೆ‌. ಈ ಸರ್ಕಾರ ಆಡಳಿತ ನಡೆಸುವಷ್ಟು ಶಾಸಕರನ್ನು ಕಳ್ಕೊಂಡಿದೆ, ಮೈತ್ರಿ ಸರ್ಕಾರಕ್ಕೆ ಬಹುಮತ ಇಲ್ಲ ಕೂಡಲೇ ರಾಜಿನಾಮೆ ನೀಡಬೇಕು ಎಂದರು.ಈ ಯಾವುದೇ ರಾಜಿನಾಮೆಗಳ ಹಿಂದೆ ಬಿಜೆಪಿ ಕೈವಾಡವಿಲ್ಲ‌‌, ಇದಕ್ಕೂ ಬಿಜೆಪಿಗೂ ಯಾವುದೇ ರೀತಿಯ ಸಂಬಂಧ ಇಲ್ಲ ಎಂದು ಸ್ಪಷ್ಟಪಡಿಸಿದರು.