ಬೆಂಗಳೂರು:ನಿನ್ನೆ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಕಿಂಗ್ಸ್ ಇಲೆವೆನ್ ಪಂಜಾಬ್ ನಡುವಿನ ಪಂದ್ಯದಲ್ಲಿ ಅಭಿಮಾನಿಗಳು ಕ್ರಿಕೆಟ್ ಜೊತೆಯಲ್ಲಿ ವರನಟ ಡಾ. ರಾಜಕುಮಾರ್ ಅವರ ಜಪ ಮಾಡಿದ್ದಾರೆ.
ಚಿನ್ನಸ್ವಾಮಿಯಲ್ಲೂ ಅಣ್ಣಾವ್ರಿಗೆ ಗೌರವ
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಿನ್ನೆ ನಡೆದ ಐಪಿಎಲ್ ಪಂದ್ಯವನ್ನ ಆರ್ಸಿಬಿ ತಂಡ ನಮ್ಮೆಲ್ಲರ ನೆಚ್ಚಿನ ಅಣ್ಣಾವ್ರಿಗೆ ಅರ್ಪಿಸಿದೆ. ಟ್ವೀಟ್ ಮೂಲಕ ಅಣ್ಣಾವ್ರ ಜನ್ಮದಿನದ ಶುಭಕೋರಿ ಕನ್ನಡಿಗರ ಮನಗೆದ್ದಿದ್ದ ಬೆಂಗಳೂರು ಟೀಂ, ಸ್ಟೇಡಿಯಂನಲ್ಲಿ ರಾಜಕುಮಾರ್ ಅವರಿಗೆ ವಿಶೇಷ ಗೌರವ ಸಲ್ಲಿಸಿತು. ಪಂದ್ಯ ನೋಡಲು ಬಂದಿದ್ದ ಪ್ರತಿಯೊಬ್ಬರೂ ಸ್ಟೇಡಿಯಂನ ಎಲ್ಇಡಿ ಸ್ಕ್ರೀನ್ಗಳಲ್ಲಿ ಅಣ್ಣಾವ್ರನ್ನ ಕಣ್ತುಂಬಿಕೊಂಡು ಹುಟ್ಟು ಹಬ್ಬದ ಶುಭ ಕೋರಿದರು.