ಹೊಸಕೋಟೆ: ನಾವು ಅದೆಷ್ಟೋ ಪ್ಯಾಷನ್ ಶೊಗಳನ್ನು ನೋಡಿರುತ್ತೇವೆ. ಆದರೆ, ಈ ಪ್ಯಾಷನ್ ಶೋ ಮಾತ್ರ ತುಂಬಾನೆ ವಿಭಿನ್ನ. ಇಲ್ಲಿ ಮಾಡೆಲ್ಗಳು ಇದ್ದರು ರ್‍ಯಾಂಪ್ ವಾಕ್‌ ನಲ್ಲಿ ಹೈಲೆಟ್ ಆಗಿದ್ದು ರಾಸುಗಳುಗಳು ಮಾತ್ರ. ಈ ರಾಸುಗಳಿಗೆ ಬಹುಮಾನ ನೀಡಲು ನೂತನವಾಗಿ ಪ್ರಮಾಣವಚನ ಸ್ವೀಕರಿಸಿದ ಸಚಿವರು ಈ ಕಾರ್ಯಕ್ರಮಕ್ಕೆ ಆಗಮಿಸಿದ್ದು ಮತ್ತೊಂದು ವಿಶೇಷ.
ಹೌದು, ರಾಸುಗಳ ಜೊತೆ ದೇಶಿಯ ಉಡುಪನ್ನು ತೊಟ್ಟು ರ್‍ಯಾಂಪ್ ಮೇಲೆ ಹೆಜ್ಜೆ ಹಾಕುತ್ತಿರುವ ರಷ್ಯನ್ ಮಾಡೆಲ್ಗಳು, ಮತ್ತೊಂದೆಡೆ ಸಾವಿರಾರು ರಾಸುಗಳ ಪ್ರದರ್ಶನ, ವಿಜೇತ ರಾಸುಗಳಿಗೆ ಬಹುಮಾನ ವಿತರಿಸಿ ಕಾರ್ಯಕ್ರಮಕ್ಕೆ ಮೆರುಗು ತಂದ ನೂತನ ಸಚಿವ ಎಂಟಿಬಿ ನಾಗರಾಜ್.
ರಾಸುಗಳ ಜೊತೆ ರ್‍ಯಾಂಪ್ ವಾಕ್‌ ಮಾಡಿದ ರಷ್ಯನ್ ಮಾಡೆಲ್ಗಳು! ಈ ದೃಶ್ಯಗಳು ಕಂಡು ಬಂದಿದ್ದು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆ ಪಟ್ಟದ ಕ್ರೀಡಾಂಗಣದಲ್ಲಿ. ಹೊಸಕೋಟೆ ಪಟ್ಟಣದ ಬಿಜೆಪಿ ಅಧ್ಯಕ್ಷ ಜಯರಾಜ್ ರವರು ಕಳೆದ 26 ವರ್ಷಗಳಿಂದ ಗೋ ಸೇವೆ ಎಂಬ ಕಾರ್ಯಕ್ರಮವನ್ನು ಹಮ್ಮಿಕೊಂಡು ಬರುತ್ತಿದ್ದು. ಈ ಕಾರ್ಯಕ್ರಮಕ್ಕೆ ಸಚಿವ ಎಂಟಿಬಿ ನಾಗರಾಜ್ ಚಾಲನೆ ನೀಡಿ ವಿಜೇತ ರಾಸುಗಳಿಗೆ ಹಾಗೂ ಮಾಲಿಕರಿಗೆ ಸನ್ಮಾನ ಮಾಡಿ ಬಹುಮಾನ ವಿತರಿಸಿದರು.
ಕಾರ್ಯಕ್ರಮದಲ್ಲಿ ಎರಡು ಸಾವಿರಕ್ಕೂ ಹೆಚ್ಚು ರಾಸುಗಳು ಭಾಗವಹಿಸಿದ್ದು, ಎಲ್ಲಾ ರಾಸುಗಳಿಗೂ ಕಬ್ಬು, ಬೂಸ ವಿತರಿಸಿದ್ದು, ತಮ್ಮ ತಾಯಿಯ ನೆನಪಿನಾರ್ಥವಾಗಿ ಈ ಕಾರ್ಯಕ್ರಮ ಹಮ್ಮಿಕೊಂಡು ಬರುತ್ತಿದ್ದು, ಪ್ರತಿ ವರ್ಷದಿಂದ ವರ್ಷಕ್ಕೆ ನಮ್ಮ ಗೋ ಸೇವೆ ಕಾರ್ಯಕ್ರಮಕ್ಕೆ ಬರುವ ರಾಸುಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಎಲ್ಲಾ ರಾಸುಗಳಿಗು ಹಿಂಡಿ-ಬೂಸ ವಿತರಣೆ ಮಾಡಿ, ಉತ್ತಮ ರಾಸುಗಳ ಬಹುಮಾನಗಳನ್ನು ವಿತರಿಸುವ ಮೂಲಕ ರಾಸುಗಳ ಸಂತತಿ ಉಳಿಸಿ ಬೆಳಸುವ ನಿಟ್ಟಿನಲ್ಲಿ ಈ ಕಾರ್ಯಕ್ರಮ ನಡೆಸಿಕೊಂಡು ಬರಲಾಗುತ್ತಿದೆ ಎಂದು ಕಾರ್ಯಕ್ರಮ ಆಯೋಜಕರಾದ ಜಯರಾಜ್ ತಿಳಿಸಿದ್ದಾರೆ.
