ಸಿಲಿಕಾನ್​ ಸಿಟಿಗೆ ಹೀಗೆ ಬಂದು ಹಾಗೆ ಹೋದ ಮಳೆರಾಯ... ದಿಢೀರ್​ ಮಳೆಗೆ ತೊಯ್ದ ಬೆಂದಕಾಳೂರು

ಬೆಂಗಳೂರಿನ ಶಿವಾನಂದ ಸರ್ಕಲ್, ರಾಜಾಜಿನಗರ, ಮಹಾಲಕ್ಷ್ಮೀ ಲೇಔಟ್ ಸೇರಿದಂತೆ ನಂದಿನಿ ಲೇಔಟ್, ವಿಧಾನಸೌಧ , ಕಬ್ಬನ್ ಪಾರ್ಕ್ ಸುತ್ತ ಮುತ್ತ ಇಂದು ಮಧ್ಯಾಹ್ನ ದಿಢೀರನೆ ಮಳೆಯಾಗಿದೆ.

ಬೆಂಗಳೂರು: ಬಿಸಿಲಿನಿಂದ ಕಂಗೆಟ್ಟಿದ್ದ ಉದ್ಯಾನನಗರಿ ಜನತೆಗೆ ವರುಣ ದೇವ ಮಳೆಯ ಸಿಂಚನ ನೀಡಿದ್ದಾನೆ.

ಮಧ್ಯಾಹ್ನದ ವೇಳೆ ದಿಢೀರ್ ಸುರಿದ ಮಳೆಯಿಂದ ವಾಹನ ಸವಾರರು ಪರದಾಡುವಂತಾಯ್ತು.‌ ನಗರದ, ಶಿವಾನಂದ ಸರ್ಕಲ್, ರಾಜಾಜಿನಗರ, ಮಹಾಲಕ್ಷ್ಮೀ ಲೇಔಟ್ ಸೇರಿದಂತೆ ನಂದಿನಿ ಲೇಔಟ್, ವಿಧಾನಸೌಧ , ಕಬ್ಬನ್ ಪಾರ್ಕ್ ಸುತ್ತ ಮುತ್ತ ಮಳೆಯಾಗಿದೆ.

ಮುಂಜಾನೆಯಿಂದ ಬಿಸಿಲಿನಿಂದ ಕೂಡಿದ್ದ ವಾತಾವರಣ ಮಧ್ಯಾಹ್ನದ ಹೊತ್ತಿಗೆ ಮೋಡಗಳಿಂದ ಆವರಿಸಿತ್ತು.‌ ಬೆಂಗಳೂರಿಗೆ ವರುಣ ಹೀಗೆ ಬಂದು ಹಾಗೇ ಹೋದ ಎನ್ನುವಂತಿತ್ತು.