ತಿಂಡಿ ತಿನ್ನೋದನ್ನ ಟ್ವಿಟರ್​ನಲ್ಲಿ ಶೇರ್​ ಮಾಡಿದ ಸಿಎಂ: ನೆಟ್ಟಗಿರೋ ವಿಷಯ ಶೇರ್​ ಮಾಡಿ ಎಂದ ನೆಟ್ಟಿಗರು

ಇತ್ತೀಚೆಗೆ  ಶಿವಾನಂದ ವೃತ್ತದ ಸಮೀಪದಲ್ಲಿರುವ ಜನಾರ್ದನ ಹೋಟೆಲ್​ನಲ್ಲಿ  ಸಿಎಂ ಉಪಹಾರ ಸೇವಿಸಿದ್ದರು. ಅದರ ಫೋಟೋವನ್ನು ಸಿಎಂ ಆಫ್ ಕರ್ನಾಟಕ ಹೆಸರಿನ ಅಧಿಕೃತ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿತ್ತು.

ಬೆಂಗಳೂರು: ಸೋಷಿಯಲ್ ಮೀಡಿಯಾವನ್ನು ಪರಿಣಾಮಕಾರಿಯಾಗಿ ಬಳಕೆ ಮಾಡಿಕೊಳ್ಳುತ್ತಿರುವ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ಇತ್ತೀಚಿನ ಹೋಟೆಲ್​ನಲ್ಲಿ ಉಪಹಾರ ಸೇವಿಸಿದ ಪೋಟೋ‌‌ ಒಂದನ್ನು ಶೇರ್​ ಮಾಡಿದ್ದರು. ಈ ಹಿನ್ನೆಲೆ ಟ್ವೀಟಿಗರು ಇದೆಲ್ಲದರ ಬದಲು ಉಪಯುಕ್ತ ಮಾಹಿತಿ ನೀಡಿ ಎಂದು ಸಲಹೆ ನೀಡಿದ್ದಾರೆ.

ಇತ್ತೀಚೆಗೆ ಶಿವಾನಂದ ವೃತ್ತದ ಸಮೀಪದಲ್ಲಿರುವ ಜನಾರ್ದನ ಹೋಟೆಲ್​ನಲ್ಲಿ ಸಿಎಂ ಉಪಹಾರ ಸೇವಿಸಿದ್ದರು. ಅದರ ಫೋಟೋವನ್ನು ಸಿಎಂ ಆಫ್ ಕರ್ನಾಟಕ ಹೆಸರಿನ ಅಧಿಕೃತ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿತ್ತು. ಈ ಪೋಸ್ಟ್ ಬಗ್ಗೆ ಸಾಕಷ್ಟು ಚರ್ಚೆ ಟ್ವಿಟರ್ ನಲ್ಲೇ ನಡೆದಿದೆ. ಹಲವಾರು ಜ‌ನರು ಪರ-ವಿರೋಧದ ಕಮೆಂಟ್ ಮಾಡಿದ್ದು, ಕುಮಾರಸ್ವಾಮಿ ಬೆಸ್ಟೋ, ಯಡಿಯೂರಪ್ಪ ಬೆಸ್ಟೋ ಅಂತಾ ಆನ್ ಲೈನ್ ಸಮೀಕ್ಷೆಯನ್ನೇ ಮಾಡಿಬಿಟ್ಟಿದ್ದಾರೆ.

ಇಂತಹದ್ದನ್ನೆಲ್ಲಾ ಯಾಕೆ ಪೋಸ್ಟ್ ಮಾಡಬೇಕು, ನಿಮ್ಮ ಟ್ವಿಟರ್ ಖಾತೆ ನಿರ್ವಹಣೆ ಮಾಡುತ್ತಿರುವುದು ಯಾರು?, ಉಪಯುಕ್ತ ಮಾಹಿತಿ ನೀಡಿ ಎಂಬೆಲ್ಲಾ ಪ್ರಶ್ನೆಗಳನ್ನು ನೆಟ್ಟಿಗರು ಕೇಳಿದ್ದಾರೆ.