ನಾಳೆಗೆ ರಾಜಕೀಯ ನಿಲ್ಲಲ್ಲ: ಸಿಎಂ ಬಿಎಸ್​ವೈ ವಿರುದ್ಧ ದೇವೇಗೌಡ ಗುಡುಗು ​

ಮುಖ್ಯಮಂತ್ರಿ ಯಡಿಯೂರಪ್ಪ ದ್ವೇಷದ ರಾಜಕೀಯ ಮಾಡುತ್ತಿದ್ದಾರೆ ಎಂದು ಕುಮಾರಸ್ವಾಮಿ ಟ್ವೀಟ್​ ಮಾಡಿದ್ದು ಸರಿ ಇದೆ. ಸಮಯ ಬಂದಾಗ ಎಲ್ಲವನ್ನು ಮಾತನಾಡುತ್ತೇನೆ. ನಾಳೆಗೆ ರಾಜಕೀಯ ನಿಲ್ಲಲ್ಲವೆಂದು ಮಾಜಿ ಪ್ರಧಾನಿ ಹೆಚ್​.ಡಿ. ದೇವೇಗೌಡ ಗುಡುಗಿದ್ದಾರೆ.

ಬೆಂಗಳೂರು: ರಾಜಕಾರಣ ನಾಳೆಗೆ ನಿಲ್ಲುವುದಿಲ್ಲ. ಸಿಎಂ ಬಿಎಸ್​ವೈ ದ್ವೇಷದ ರಾಜಕಾರಣ ಮಾಡುತ್ತಿದ್ದಾರೆ ಎಂದು ಮಾಜಿ ಸಿಎಂ ಕುಮಾರಸ್ವಾಮಿ ಹೇಳಿಕೆ ಸರಿ ಇದೆ ಎಂದು ಜೆಡಿಎಸ್​ ವರಿಷ್ಠ ನಾಯಕ ಹೆಚ್​.ಡಿ. ದೇವೇಗೌಡ ಸಮರ್ಥಿಕೊಂಡಿದ್ದಾರೆ.

ಬಿಎಸ್​ವೈ ದ್ವೇಷದ ರಾಜಕೀಯ ಮಾಡುತ್ತಿದ್ದಾರೆ ಎಂದು ಇತ್ತೀಚೆಗೆ ಕುಮಾರಸ್ವಾಮಿ ಟ್ವೀಟ್​ ಮಾಡಿದ್ದರು.

ನಗರದ ಜೆ ಪಿ ಭವನದಲ್ಲಿ ನಡೆದ ಜಿಲ್ಲಾವಾರು ಮುಖಂಡ ಸಭೆ ಆರಂಭಕ್ಕೂ ಮುನ್ನ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಯಡಿಯೂರಪ್ಪ, ಸಿದ್ದರಾಮಯ್ಯ ಅವರ ರಾಜಕೀಯ ನಾಳೆಗೆ ನಿಲ್ಲಲ್ಲವೆಂದು ಹೇಳಿದರು.

ನಾನು ಮಾತನಾಡುವುದು ಬಹಳ ಇದ್ದು, ಕಾಲ ಬಂದಾಗ ಎಲ್ಲವನ್ನೂ ಮಾತನಾಡುತ್ತೇನೆ ಎಂದು ಮಾರ್ಮಿಕವಾಗಿ ಹೇಳಿದರು.