ಬೆಂಗಳೂರು: ಮಹಿಳಾ ಶಕ್ತಿ ತಂಡ ಎಂಬ ಬೆಂಗಳೂರು ವಿಭಾಗದ ರೈಲ್ವೆ ಸಂರಕ್ಷಣಾ ಪಡೆಯ ವಿಶೇಷ ತಂಡವು ರೈಲು ಸಂಖ್ಯೆ 02295ರಲ್ಲಿದ್ದ ಬಾಲಕಿಯನ್ನು ರಕ್ಷಣೆ ಮಾಡಿದ್ದಾರೆ. ‘ಶಕ್ತಿ’ ಎಂದು ಹೆಸರಿಸಲಾಗಿರುವ ರೈಲ್ವೆ ತಂಡ ಮಹಿಳೆ ಮತ್ತು ಮಕ್ಕಳ ಮೇಲಿನ ಅಪರಾಧ ತಡೆಗಟ್ಟುವಲ್ಲಿ ಮತ್ತು ಬೆಂಗಳೂರು ವಿಭಾಗದ ಎಲ್ಲಾ ರೈಲ್ವೆ ಸಂರಕ್ಷಣಾ ಪಡೆ ತಂಡಗಳು ಮುಂಚೂಣಿಯಲ್ಲಿವೆ.
ಬಾಲಕಿಯನ್ನು ರಕ್ಷಿಸಿ ವಿಚಾರಣೆ ನಡೆಸಿದ ತಂಡಕ್ಕೆ ಆಕೆ ಮಾಹಿತಿ ನೀಡಿದ್ದಾರೆ. "ನಾನು ಬಿಹಾರದ ಪೂರ್ವ ಚಂಪಾರಣ್ (ಮೋತಿಹಾರಿ) ನಿವಾಸಿ. ನನ್ನ ತಂದೆಯಿಂದಲೇ ಪದೇ ಪದೇ ನಡೆಯುವ ಲೈಂಗಿಕ ಕಿರುಕುಳದಿಂದಾಗಿ ಬೇಸರಗೊಂಡು ಮನೆಯಿಂದ ಓಡಿ ಬಂದಿದ್ದೇನೆ" ಎಂದಿದ್ದಾರೆ.