ಕುಡಿದು ಪೊಲೀಸರೊಂದಿಗೆ ರಂಪಾಟ ನಡೆಸಿದ್ದ ಇಬ್ಬರು ಯುವತಿಯರು ಅಂದರ್​

ಮದ್ಯ ಸೇವಿಸಿ ಪಾರ್ಟಿ ಮಾಡಿ ಬಳಿಕ ಪೊಲೀಸರೊಂದಿಗೆ ಅನುಚಿತ ವರ್ತನೆ ತೋರಿ ಪರಾರಿಯಾಗಿದ್ದ ಯುವತಿಯರಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರು: ಕರ್ತವ್ಯನಿರತ ಪೊಲೀಸರೊಂದಿಗೆ ರಂಪಾಟ ಮಾಡಿದ್ದ ಇಬ್ಬರು ಯುವತಿಯರನ್ನು ಜೀವನಭೀಮಾ ನಗರ ಪೊಲೀಸರು ಬಂಧಿಸಿದ್ದಾರೆ.

ಶಕ್ತಿ ನಾಯರ್(33) ಹಾಗೂ ಮಧುಮಿತಾ(29) ಬಂಧಿತ ಯುವತಿಯರು. ಮಂಡ್ಯ ಜಿಲ್ಲಾಧಿಕಾರಿಯವರ ಕಚೇರಿಯಿಂದ ಅಗತ್ಯ ಸೇವೆ ಹೆಸರಿನಲ್ಲಿ ಇವರು ಪಾಸ್ ಪಡೆದಿದ್ದರು.

ರಾತ್ರಿ ಶಕ್ತಿ ನಾಯರ್​ಗೆ ಸೇರಿದ್ದ ಫ್ಲ್ಯಾಟ್​ನಲ್ಲಿ ಮದ್ಯ ಸೇವಿಸಿ ಪಾರ್ಟಿ ಮಾಡಿದ್ದರು ಎನ್ನಲಾಗ್ತಿದೆ.‌ ಮರುದಿನ ಬೆಳಗ್ಗೆಯಿಂದಲೂ ನಗರದಾದ್ಯಂತ ಜಾಲಿ ರೈಡ್ ಮಾಡಿದ್ದರು.‌ ಮಧ್ಯಾಹ್ನ 12:45ರ ಸುಮಾರಿಗೆ ಲೀಲಾ ಪ್ಯಾಲೇಸ್ ಬಳಿ ರಂಪಾಟ ಮಾಡಿಕೊಂಡು ಪೊಲೀಸರೊಂದಿಗೆ ಅನುಚಿತ ವರ್ತನೆ ತೋರಿ ಪರಾರಿಯಾಗಿದ್ದರು.

ಈ ಸಂಬಂಧ ಇಬ್ಬರನ್ನು ಬಂಧಿಸಿ ಐಪಿಸಿ ಸೆಕ್ಷನ್ 353, NDMA ಕಾಯ್ದೆ ಹಾಗೂ ವೇಗದ ಚಾಲನೆಯಡಿ ಪ್ರಕರಣ ದಾಖಲಾಗಿದೆ.