ಬಿಜೆಪಿ ಸರ್ಕಾರದಿಂದ ಬಾಕಿ ಉಳಿದುಕೊಂಡ ಭ್ರಷ್ಟಾಚಾರದ 300ಕ್ಕೂ ಅಧಿಕ ಕಡತಗಳ ಇತ್ಯರ್ಥ: ಸಚಿವ ಖರ್ಗೆ

ಹಿಂದಿನ ಬಿಜೆಪಿ ಸರ್ಕಾರವನ್ನು ಉತ್ತಮ ಕಾರಣಕ್ಕಾಗಿ 40 ಪರ್ಸೆಂಟ್ ಸರ್ಕಾರ ಎಂದು ಕರೆಯಲಾಯಿತು ಎಂದು ಸಚಿವ ಪ್ರಿಯಾಂಕ್ ಖರ್ಗೆ ಅವರು ಎಕ್ಸ್ ‌ಪೋಸ್ಟ್ ಮಾಡಿದ್ದಾರೆ.

ಬೆಂಗಳೂರು :ಹಿಂದಿನ ಬಿಜೆಪಿ ಸರ್ಕಾರದಿಂದ ಬಾಕಿ ಉಳಿದುಕೊಂಡ ಭ್ರಷ್ಟಾಚಾರದ 300ಕ್ಕೂ ಅಧಿಕ ಕಡತಗಳನ್ನು ಶುಚಿಗೊಳಿಸಿದೆ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಪ್ರಿಯಾಂಕ್ ಖರ್ಗೆ ತಿಳಿಸಿದ್ದಾರೆ. ವಿಕಾಸಸೌಧದ ತಮ್ಮ ಕಚೇರಿಯಲ್ಲಿ ಸೋಮವಾರ 300ಕ್ಕೂ ಅಧಿಕ ಕಡತವನ್ನು ಪರಿಶೀಲಿಸಿ ಅವರು ಇತ್ಯರ್ಥಪಡಿಸಿದ್ದಾರೆ.

ಈ ವೇಳೆ ತಮ್ಮ ಕಚೇರಿಯ ಟೇಬಲ್ ಮೇಲೆ ಕಡತಗಳ ರಾಶಿಯೇ ಕಂಡುಬಂತು. ಎಲ್ಲಾ ಕಡತಗಳನ್ನು ಪರಿಶೀಲಿಸಿ ಅವುಗಳನ್ನು ವಿಲೇವಾರಿ ಮಾಡಿದರು. ಹಲವು ವರ್ಷಗಳಿಂದ ಈ ಕಡತಗಳು ವಿಲೇವಾರಿಯಾಗದೇ ಹಾಗೇ ಉಳಿದುಕೊಂಡಿದ್ದವು. ಈ ಬಗ್ಗೆ ಎಕ್ಸ್ ‌ಪೋಸ್ಟ್ ಮೂಲಕ ಮಾಹಿತಿ ಹಂಚಿಕೊಂಡಿರುವ ಪ್ರಿಯಾಂಕ್ ಖರ್ಗೆ, 'ನನ್ನ ಕಚೇರಿಯಲ್ಲಿ ಕೆಲ ದೀಪಾವಳಿಯ ಶುಚಿ ಮಾಡಿದೆ' ಎಂದು ಬರೆದುಕೊಂಡಿದ್ದಾರೆ.

ಕಳೆದ ಬಿಜೆಪಿ ಸರ್ಕಾರದಿಂದ ಬಾಕಿ ಉಳಿದುಕೊಂಡಿದ್ದ ಭ್ರಷ್ಟಾಚಾರದ ಸುಮಾರು 300ಕ್ಕೂ ಅಧಿಕ ಕಡತಗಳನ್ನು ಸ್ವಚ್ಛ ಮಾಡಿದೆ. ಹಿಂದಿನ ಬಿಜೆಪಿ ಸರ್ಕಾರವನ್ನು 40% ಸರ್ಕಾರ ಎಂದು ಸರಿಯಾದ ಕಾರಣಕ್ಕಾಗಿನೇ ಕರೆಯಲಾಗಿತ್ತು ಎಂದು ಸಚಿವರು ಟೀಕಿಸಿದ್ದಾರೆ.

ಇದನ್ನೂ ಓದಿ :'ಬಿವೈ ವಿಜಯೇಂದ್ರ ನೇಮಕ ಬಿಎಲ್​ ಸಂತೋಷ್​ಗೆ ಸ್ಪಷ್ಟ ಸಂದೇಶ.. ನೀವು ಕೇಶವ ಕೃಪಾದಲ್ಲಿ ಇರಿ': ಪ್ರಿಯಾಂಕ್ ಖರ್ಗೆ ಟೀಕೆ