ಬೆಂಗಳೂರು:ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರ ಬಿಡುಗಡೆಗೆ ಕೇವಲ ಒಂದು ದಿನ ಬಾಕಿ ಇದ್ದು, ಈಗಾಗಲೇ ಚಿತ್ರತಂಡ ಅಬ್ಬರದ ಪ್ರಚಾರ ಮಾಡುತ್ತಿದೆ.
ಕಳೆದವಾರವಷ್ಟೇ ಹೈದರಾಬಾದ್ನಲ್ಲಿ ಪ್ರಿ ರಿಲೀಸ್ ಕಾರ್ಯಕ್ರಮ ಮುಗಿಸಿದ ಚಿತ್ರ ತಂಡ, ಬೆಂಗಳೂರಿನಲ್ಲಿ ಪ್ರೀ ರಿಲೀಸ್ ಇವೆಂಟ್ ನಡೆಸಿ ಚಿತ್ರ ಬಿಡುಗಡೆ ಬಗ್ಗೆ ಮಾಹಿತಿಯನ್ನು ಬಿಚ್ಚಿಟ್ಟಿತು. ಕಾರ್ಯಕ್ರಮದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಭಾಗವಹಿಸಿ ಚಿತ್ರದ ಟ್ರೈಲರ್, ಮೇಕಿಂಗ್ ಹಾಗೂ ಹಾಡುಗಳನ್ನು ನೋಡಿ, ಚಿತ್ರ ತಂಡದ ಬೆನ್ನು ತಟ್ಟಿದರು. ಪೈಲ್ವಾನ್ ಚಿತ್ರದಲ್ಲಿ ಒಂದು ಫೈಯರ್ ಇದೆ. ಖಂಡಿತಾ ಪೈಲ್ವಾನ್ ಬ್ಲಾಕ್ ಬಸ್ಟರ್ ಹಿಟ್ ಆಗೋದ್ರಲ್ಲಿ ಡೌಟ್ ಇಲ್ಲ. ಅಲ್ಲದೆ ಚಿತ್ರಕ್ಕಾಗಿ ಸುದೀಪ್ ತುಂಬಾ ಡೇಡಿಕೇಟ್ ಮಾಡಿದ್ದಾರೆ. ಅದು ಚಿತ್ರದಲ್ಲಿ ಕಾಣಿಸ್ತಿದೆ. ನಿರ್ದೇಶಕ ಕೃಷ್ಣ ಹಾರ್ಡ್ವರ್ಕ್ ಕೂಡ ಎದ್ದು ಕಾಣಿಸುತ್ತೆ. ಖಂಡಿತಾ ಪೈಲ್ವಾನ್ 100 ಕೋಟಿ ಕ್ಲಬ್ ಸೇರುತ್ತೆ ಎಂದು ರವಿಮಾಮ ಭವಿಷ್ಯ ನುಡಿದ್ರು.
ಪೈಲ್ವಾನ್ ಚಿತ್ರದ ಪ್ರಿ ರಿಲೀಸ್ ಕಾರ್ಯಕ್ರಮ ಬೆಂಗಳೂರಿನಲ್ಲಿ ನಡೆಯಿತು ಪೈಲ್ವಾನ್ ಚಿತ್ರ ಮೊದಲಬಾರಿಗೆ ಹೊಸ ದಾಖಲೆ ಬರೆಯಲು ಸಿದ್ದವಾಗಿದ್ದು, ಜಗತ್ತಿನಾದ್ಯಂತ 4000 ಸ್ಕೀನ್ಗಳಲ್ಲಿ ಏಕ ಕಾಲಕ್ಕೆ ರಿಲೀಸ್ ಆಗಲಿದೆ ಎಂದು ಚಿತ್ರದ ವಿತರಕ ಕಾರ್ತಿಕ್ ತಿಳಿಸಿದ್ದಾರೆ. ಅಲ್ಲದೆ ಪೈಲ್ವಾನ್ ಗುರುವಾರ ತೆರೆಗೆ ಬರಲಿದ್ದು, ಸುದೀಪ್ ಅಭಿನಯದ ಬಹುತೇಕ ಚಿತ್ರಗಳು ಗುರುವಾರ ರಿಲೀಸ್ ಆಗಿವೆ, ಅದಕ್ಕಾಗಿ ಪೈಲ್ವಾನ್ ಚಿತ್ರವನ್ನೂ ಗುರುವಾರ ಬಿಡುಗಡೆ ಮಾಡ್ತಿದ್ದೇವೆ. ಗುರುವಾರ ಸುದೀಪ್ ಅವರಿಗೆ ಲಕ್ಕಿ ವಾರ ಎಂದು ನಿರ್ದೇಶಕ ಕೃಷ್ಣ ತಿಳಿಸಿದ್ದಾರೆ.
ಇನ್ನು ಪೈಲ್ವಾನ್ ಚಿತ್ರ ಖಂಡಿತಾ ಎಲ್ಲಾ ವರ್ಗದ ಜನರಿಗೂ ಇಷ್ಟವಾಗಲಿದ್ದು, ಮಲೆಯಾಳಂ ಹೊರತು ಪಡಿಸಿ ಕನ್ನಡ, ತಮಳು, ತೆಲುಗು, ಹಿಂದಿ ಒಟ್ಟು ನಾಲ್ಕು ಭಾಷೆಯಲ್ಲಿ ನಾನೆ ಡಬ್ಬಿಂಗ್ ಮಾಡಿದ್ದೇನೆ. ನಾನು ಈ ಚಿತ್ರಕ್ಕಾಗಿ ಸಾಕಷ್ಟು ಕಷ್ಟ ಪಟ್ಟಿರುವುದಾಗಿ ಕಿಚ್ಚ ಸುದೀಪ್ ಹೇಳಿದ್ದಾರೆ. ಚಿತ್ರದಲಿ ಹಾಡುಗಳು ಸಖತ್ ಸೌಂಡ್ ಮಾಡ್ತಿದ್ದು, ಪೈಲ್ವಾನ್ ಚಿತ್ರದಲ್ಲಿ ಸುನೀಲ್ ಶೆಟ್ಟಿ ನಟಿಸಿದ್ದು, ತುಂಬಾ ಎಫರ್ಟ್ ಹಾಕಿ ನಟಿಸಿದ್ದಾರೆ. ನಿಜವಾಗ್ಲು ಅವರೇ ಪೈಲ್ವಾನ್ ತರ ಇದ್ದಾರೆ ಎಂದು ಕಿಚ್ಚ ಹೇಳಿದ್ದಾರೆ.
ಕಾರ್ಯಕ್ರಮದಲ್ಲಿ ನಾಯಕಿ ಅಕಾಂಕ್ಷ ಶೆಟ್ಟಿ, ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಹಾಗೂ ವಸ್ತ್ರ ವಿನ್ಯಾಸಕ ಯೋಗಿ ಉಪಸ್ಥಿತರಿದ್ದರು.
