ಕಾಂತಾರ ಸಿನಿಮಾ ನೋಡಿ‌ ಮೆಚ್ಚಿದ ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್

ಇಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಅವರು ಗುರುಡಾ ಮಾಲ್​ನಲ್ಲಿ ಕಾಂತಾರ ಚಿತ್ರವನ್ನು ವೀಕ್ಷಣೆ ಮಾಡಿದ್ದಾರೆ.

ಕಾಂತಾರ ಕನ್ನಡ ಚಿತ್ರರಂಗ ಅಲ್ಲದೇ ಭಾರತೀಯ ಸಿನಿಮಾ ರಂಗದಲ್ಲಿ ಸಂಚಲನ ಸೃಷ್ಟಿಸಿದ ಸಿನಿಮಾ. ನಟ ಹಾಗೂ ನಿರ್ದೇಶಕ ರಿಷಬ್​ ಶೆಟ್ಟಿ ಅಭಿನಯಿಸಿ ನಿರ್ದೇಶನ ಮಾಡಿರೋ ಕಾಂತಾರ ಚಿತ್ರವನ್ನ ಸೂಪರ್ ಸ್ಟಾರ್ ರಜನಿಕಾಂತ್, ನಟ ಪ್ರಭಾಸ್, ಸುದೀಪ್, ಧನುಷ್, ರಮ್ಯಾ, ಶಿಲ್ಪಾ ಶೆಟ್ಟಿ, ಕಂಗನಾ ರಾಣಾವತ್ ಸೇರಿದಂತೆ ಮುಂತಾದ ಸೆಲೆಬ್ರಿಟಿಗಳು ಈ ಚಿತ್ರವನ್ನ ನೋಡಿ‌ ಮೆಚ್ಚಿಕೊಂಡಿದ್ದಾರೆ.

ಇದೀಗ ಕೇಂದ್ರ ಸಚಿವೆ ನಿರ್ಮಲಾ ಸೀತರಾಮನ್ ಕನ್ನಡದ ಕಾಂತಾರಕ್ಕೆ ಮನಸೋತಿದ್ದಾರೆ. ಭಾರತದಾದ್ಯಂತ ಸದ್ದು ಮಾಡ್ತಿರುವ ಕಾಂತಾರ ಚಿತ್ರವನ್ನು ಇಂದು ನಿರ್ಮಲಾ ‌ಸೀತಾರಾಮನ್​ ನೋಡಿ ಆನಂದಿಸಿದ್ದಾರೆ. ಚಿಕ್ಕ‌ಪೇಟೆ ಶಾಸಕ ಗರುಡಚಾರ್ ಅವರಿಗೆ ಕಾಲ್ ಮಾಡಿ ಕಾಂತಾರ ನೋಡವ ಬಗ್ಗೆ ಹೇಳಿದ ಸಚಿವರು ಗರುಡಾ ಮಾಲ್​ನ ಐನಾಕ್ಸ್​ನಲ್ಲಿ ಚಿತ್ರ ವೀಕ್ಷಣೆ ಮಾಡಿದ್ದಾರೆ.

ನಿರ್ಮಲಾ ಸೀತರಾಮನ್​ ಕಾಂತಾರ ನೋಡೊಕೆ ಬರ್ತಿರುವ ವಿಚಾರ ತಿಳಿದು ಗರುಡಾಚಾರ್ ದಂಪತಿ ಗರುಡಾ ಮಾಲ್​ಗೆ ತೆರಳಿ ಸೀತಾರಾಮನ್ ಅವರನ್ನು ಸ್ವಾಗತ ಕೋರಿದ್ದಾರೆ. ವಿಶೇಷ ಅಂದ್ರೆ ಸೀತರಾಮನ್ ಅವರು ಕನ್ನಡದಲ್ಲೇ ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ‌.

ಇದನ್ನೂ ಓದಿ:ಫಾರ್ ರಿಜಿಸ್ಟ್ರೇಷನ್​ ಫಸ್ಟ್ ಲುಕ್ ಟೀಸರ್ ಬಿಡುಗಡೆ, ಫೆಬ್ರವರಿ 10ಕ್ಕೆ ಚಿತ್ರ ತೆರೆಗೆ