ಯುವ ಸಮುದಾಯದಲ್ಲಿ ಸೋಂಕು ಭೀತಿ; ಕೋವಿಡ್ ಟೆಸ್ಟ್​​ಗೆ ಬರುವವರ ಸಂಖ್ಯೆ ಹೆಚ್ಚಳ

ಬಿಟಿಎಂ ಲೇಔಟ್​ನ ಎನ್.ಎಸ್ ಪಾಳ್ಯದಲ್ಲಿ ಕೋವಿಡ್ ಟೆಸ್ಟ್​ಗಾಗಿ ಸರತಿ ಸಾಲಿನಲ್ಲಿ ಜನರು ನಿಲ್ಲುತ್ತಿದ್ದಾರೆ.‌ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಟೆಸ್ಟಿಂಗ್​​ಗಾಗಿ ಕ್ಯೂ ಇದ್ದು, ಯುವಕ- ಯುವತಿಯರೇ ಮುಗಿಬಿದ್ದಿದ್ದಾರೆ.

ಬೆಂಗಳೂರು: ಸಿಲಿಕಾನ್​​​ ಸಿಟಿಯಲ್ಲಿ ಕೊರೊನಾ ಎರಡನೇ ಅಲೆ ಆರ್ಭಟ ಜೋರಾಗಿದೆ.‌ ಯುವ ಸಮುದಾಯದಲ್ಲಿ ಹೆಚ್ಚು ಸೋಂಕು ಲಕ್ಷಣಗಳು ಗೋಚರಿಸುತ್ತಿದೆ. ಈ ವಿಚಾರವನ್ನು ತಜ್ಞರು ಕೂಡ ಖಚಿತಪಡಿಸಿದ್ದು, ಯುವಕ-ಯುವತಿಯರು ಕೋವಿಡ್‌ ಪರೀಕ್ಷೆಗೆ ಮುಗಿಬೀಳುತ್ತಿದ್ದಾರೆ.

ಬಿಟಿಎಂ ಲೇಔಟ್​ನ ಎನ್.ಎಸ್ ಪಾಳ್ಯದಲ್ಲಿ ಕೋವಿಡ್ ಟೆಸ್ಟ್​ಗಾಗಿ ಸರತಿ ಸಾಲಿನಲ್ಲಿ ಜನರು ನಿಂತಿದ್ದ ದೃಶ್ಯ ಕಂಡುಬಂತು.‌ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಟೆಸ್ಟಿಂಗ್​​ಗಾಗಿ ಕ್ಯೂ ಇದ್ದು, ಯುವಕ- ಯುವತಿಯರೇ ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬಂದರು.

ಇದನ್ನೂ ಓದಿ:146 ಜನರಿಗೆ ಕೋವಿಡ್‌ ಸೋಂಕು: ಖಾನಾಪೂರ ತಾಲೂಕಿನ ಅಬನಾಳಿ ಗ್ರಾಮ‌ ಸೀಲ್​ಡೌನ್

ಜನರಲ್ಲಿ ಮೈ-ಕೈ ನೋವು, ಗಂಟಲು ನೋವು, ಕೆಮ್ಮು ಲಕ್ಷಣಗಳು ಕಾಣಿಸಿಕೊಳ್ಳಲು ಶುರುವಾಗಿದೆ. ಹೀಗಾಗಿ ಹೆಚ್ಚು ಹೆಚ್ಚು ಕೋವಿಡ್ ಟೆಸ್ಟ್ ಆಗುತ್ತಿದೆ.