ರಾಜಕೀಯ ಜಂಜಾಟಕ್ಕೆ ಬ್ರೇಕ್​... ಇಂಡೋ-ಆಸಿಸ್​ ಪಂದ್ಯ ವೀಕ್ಷಿಸಿದ ಶಾಸಕ

ದೊಡ್ಡಬಳ್ಳಾಪುರ ಶಾಸಕ ಟಿ. ವೆಂಕಟರಮಣಯ್ಯ ಇಂದು ರಾಜಕೀಯ ಜಂಜಾಟ ಮರೆತು ಬಿಂದಾಸ್​ ಆಗಿ ಕ್ರಿಕೆಟ್ ಪಂದ್ಯ ವೀಕ್ಷಿಸಿದರು.

ದೊಡ್ಡಬಳ್ಳಾಪುರ : ಸಮ್ಮಿಶ್ರ ಸರ್ಕಾರ ಬಿದ್ದು ಹೋಗೋ ಭಯ ಮೈತ್ರಿ ಪಕ್ಷಕ್ಕೆ, ಹೊಸ ಸರ್ಕಾರ ರಚಿಸೋ ಟೆನ್ಶನ್​ ಬಿಜೆಪಿಗೆ. ಹೀಗೆ ಎಲ್ಲಾ ಪಕ್ಷಗಳ ರಾಜಕಾರಣಿಗಳು ಸದಾ ಒಂದಲ್ಲ ಒಂದು ರೀತಿಯ ರಾಜಕೀಯ ಜಂಜಾಟದಲ್ಲಿ ಮುಳುಗಿರ್ತಾರೆ. ಅದರೀವತ್ತು ದೊಡ್ಡಬಳ್ಳಾಪುರ ಶಾಸಕ ಟಿ. ವೆಂಕಟರಮಣಯ್ಯ ಮಾತ್ರ ರಾಜಕೀಯ ಬೆಳವಣಿಗೆಗೆ ಕಿವಿಗೊಡದೆ ಭಾರತ- ಆಸ್ಟ್ರೇಲಿಯಾ ಕ್ರಿಕೆಟ್ ಪಂದ್ಯ ವೀಕ್ಷಿಸಿದರು.

ಇಂಗ್ಲೆಂಡ್ ನಲ್ಲಿ ನಡೆಯುತ್ತಿರುವ ವಿಶ್ವಕಪ್ ಪಂದ್ಯಾವಳಿಯ ಭಾರತ ಮತ್ತು ಆಸ್ಟ್ರೇಲಿಯಾ ಪಂದ್ಯದಲ್ಲಿನ ಭಾರತೀಯ ಆಟಗಾರರ ಅದ್ಭುತ ಬ್ಯಾಟಿಂಗ್​ಗೆ ಮನಸೋತ ಶಾಸಕ ಟಿ. ವೆಂಕಟರಮಣಯ್ಯ ಕೊಂಚ ಬಿಡುವು ಮಾಡ್ಕೊಂಡು ಕುಟುಂಬದ ಜೊತೆ ಕ್ರಿಕೆಟ್ ಪಂದ್ಯ ವೀಕ್ಷಿಸಿದರು.