ಬೆಂಗಳೂರು:ಎಂ.ಎನ್.ಕೃಷ್ಣರಾವ್ ಪಾರ್ಕ್ ಉದ್ಯಾನದಲ್ಲಿ ಡಾ.ಶಿವಕುಮಾರ ಸ್ವಾಮೀಜಿ ಅವರ ಹೆಸರಲ್ಲಿ ನೂತನವಾಗಿ ನಿರ್ಮಾಣ ಮಾಡಿರುವ ಬ್ಯಾಡ್ಮಿಂಟನ್ ಒಳಾಂಗಣ ಕ್ರೀಡಾಂಗಣದಲ್ಲಿ ಸೆಪ್ಟೆಂಬರ್ 13, 14 ಹಾಗೂ 15 ರವರೆಗೆ ಮೂರು ದಿನಗಳ ಕಾಲ ಖಾಸಗಿ ಸಂಸ್ಥೆ ಸಹಭಾಗಿತ್ವದೊಂದಿಗೆ ಪುರುಷ ಮತ್ತು ಮಹಿಳೆಯರ "ಮೇಯರ್ ಕಪ್" ಬ್ಯಾಡ್ಮಿಂಟನ್ ಪಂದ್ಯಾವಳಿಯನ್ನು ಬಿಬಿಎಂಪಿ ಮೇಯರ್ ಶುಕ್ರವಾರ ಉದ್ಘಾಟಿಸಿದ್ದಾರೆ.
ಮೇಯರ್ ಕಪ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ಗೆ ಚಾಲನೆ ಮೇಯರ್ ಕಪ್ ಬ್ಯಾಡ್ಮಿಂಟನ್ ಲೀಗ್ ಪಂದ್ಯಾವಳಿಯಲ್ಲಿ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆಡಿರುವ ಬ್ಯಾಡ್ಮಿಂಟನ್ ಆಟಗಾರರ ಜೊತೆಗೆ ಗ್ರಾಮೀಣ ಪ್ರತಿಭೆಗಳಿಗೂ ಅವಕಾಶ ಕಲ್ಪಿಸುವ ನಿಟ್ಟಿನಲ್ಲಿ ಇದನ್ನು ಆಯೋಜನೆ ಮಾಡಲಾಗಿದೆ. ಒಟ್ಟು 8 ಫ್ರಾಂಚೈಸಿಗಳನ್ನ ಒಳಗೊಂಡ ಟೂರ್ನಾಮೆಂಟ್ ಇದಾಗಿದೆ. ದೇಶ-ವಿದೇಶಗಳಿಂದ ಒಟ್ಟು 104 ಪ್ರತಿಭಾನ್ವಿತ ವೃತ್ತಿಪರರು ಟೂರ್ನಿಯಲ್ಲಿ ಭಾಗವಹಿಸಿದ್ದು, ಇಂದು ಮತ್ತು ನಾಳೆ ಲೀಗ್ ಹಂತದ ಪಂದ್ಯಗಳು ನಡೆಯಲಿವೆ.
ಪ್ರಾಂಚೈಸಿಗಳ ಪಟ್ಟಿ:
- ಜಿ-ಟರ್ನ್ಸ್ ಅಟ್ಯಾಕರ್ಸ್
- ಕ್ರಿಯೇಟೀವ್ ಸ್ಪೋರ್ಟ್ಸ್ ಅಕಾಡೆಮಿ
- ಭವಾನಿ ಸೂಪರ್ ಸ್ಮಾಷರ್ಸ್
- ಲಾ-ಮಾರ್ವೆಲ್ಲಾ ಟೈಟಾನ್ಸ್
- ಪಿಬಿಎ ಪ್ಯಾಂಥರ್ಸ್
- ಬೆಂಗಳೂರು ವಾರಿಯರ್ಸ್
- ವಿ4ಯು
- ಅರ್ಬನೈಜರ್ ಅಲ್ಟಿಮೇಟ್ಸ್
