ಸಿಐಎಸ್ಎಫ್, ವೈಟ್ ಫೀಲ್ಡ್ ವಿಭಾಗದ ಪೊಲೀಸರ ಪಥ ಸಂಚಲನ... ಚುನಾವಣೆ ಕುರಿತು ಜಾಗೃತಿ

ಲೋಕಸಭಾ ಚುನಾವಣೆ ಬಗ್ಗೆ ಸಾರ್ವಜನಿಕರಿಗೆ ಜಾಗೃತಿ. ಕೆ ಆರ್​ ಪುರದಲ್ಲಿ ಸಿಐಎಸ್ಎಫ್ ಯೋಧರು, ಪೊಲೀಸರಿಂದ ಪಥ ಸಂಚಲನ. ಬೀದಿಗಳಲ್ಲಿ ಹೂವಿನ ಸುರಿಮಳೆ.

ಬೆಂಗಳೂರು: ಚುನಾವಣೆ ಬಗ್ಗೆ ಸಾರ್ವಜನಿಕರಲ್ಲಿರುವ ಭಯವನ್ನು ದೂರಮಾಡಿ ಧೈರ್ಯ ತುಂಬುವ ಸಲುವಾಗಿ ಬೆಂಗಳೂರು ಉತ್ತರ ಲೋಕಸಭಾ ಕ್ಷೇತ್ರದ ಕೆ.ಆರ್.ಪುರದಲ್ಲಿ ಇಂದು ಸಿಐಎಸ್ಎಫ್ ಯೋದರು ಹಾಗೂ ಪೊಲೀಸರು ಪಥ ಸಂಚಲನ ನಡೆಸಿದರು.

ಕೆ.ಆರ್.ಪುರ ತಾಲೂಕು ಕಚೇರಿಯಿಂದ ಟಿ.ಸಿ.ಪಾಳ್ಯ ಚರ್ಚ್ ವರೆಗೆ ಪಥಸಂಚಲನ ಹಮ್ಮಿಕೊಂಡಿದ್ದು, 250 ಸಿಐಎಸ್ಎಫ್ ಯೋದರು ಹಾಗೂ ಪೊಲೀಸರು ಭಾಗವಹಿಸಿದ್ದರು. ಕೆ.ಆರ್.ಪುರ ಪ್ರಮುಖ ಬೀದಿಗಳಲ್ಲಿ ಪಥಸಂಚಲನ ನಡೆಸುವಾಗ ಯೋದರ ಮೇಲೆ ಸಾರ್ವಜನಿಕರು ಹೂವಿನ ಸುರಿಮೇಳೆಗೈಯುವ ಮೂಲಕ ಗೌರವ ಸಲ್ಲಿಸಿದರು.

ಈ ವೇಳೆ ವೈಟ್ ಪೀಲ್ಡ್ ವಿಭಾಗದ ಡಿಸಿಪಿ ಅಬ್ದುಲ್ ಅಹದ್ ಮಾತನಾಡಿ, ಸಾರ್ವಜನಿಕರು ಯಾರಿಗೂ ಭಯಪಡದೆ ಚುನಾವಣೆಯಲ್ಲಿ ಮತಚಲಾಯಿಸಲು ಧೈರ್ಯ ತುಂಬುವ ಸಲುವಾಗಿ ಪಥಸಂಚಲನ ಹಮ್ಮಿಕೊಂಡಿದ್ದು, ಚುನಾವಣೆ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಸಿಐಎಸ್ಎಫ್ ಹಾಗೂ ಪೊಲೀಸರು ಸನ್ನದ್ದರಾಗಿರುವುದಾಗಿ ತಿಳಿಸಿದ್ದಾರೆ.