ಮಧುರೈನಿಂದ ಬಂದ ದಂಪತಿಗೆ ಆನೇಕಲ್​​ನಲ್ಲಿ ಹೋಂ ಕ್ವಾರಂಟೈನ್

ತಮಿಳುನಾಡಿನ ಮಧುರೈನಿಂದ ಆನೇಕಲ್​​ಗೆ ಬಂದಿದ್ದ ದಂಪತಿಯನ್ನು ಹೋಮ್​​ ಕ್ವಾರಂಟೈನ್​​ ಮಾಡಲಾಗಿದೆ.

ಆನೇಕಲ್ : ತಮಿಳುನಾಡಿನ ಮಧುರೈನಿಂದ ಬಂದಿದ್ದ ದಂಪತಿಗೆ ಹೋಂ ಕ್ವಾರಂಟೈನ್ ಮಾಡಿರುವ ಘಟನೆ ಆನೇಕಲ್ ತಾಲೂಕಿನಲ್ಲಿ ನಡೆದಿದೆ.

ಆನೇಕಲ್ ತಾಲೂಕಿನ ಕಾವಲಹೋಸಹಳ್ಳಿಯಲ್ಲಿನ ತಮ್ಮ ಮನೆಗೆ ತಮಿಳುನಾಡಿನ ಮಧುರೈನಿಂದ ನಿನ್ನೆ ತಡರಾತ್ರಿ ವಾಪಸ್​ ಬಂದಿದ್ದರಿಂದ ಅಧಿಕಾರಿಗಳು ಅವರನ್ನು ಹೋಂ ಕ್ವಾರಂಟೈನ್ ಮಾಡಿದ್ದಾರೆ. ಈ ಇಬ್ಬರು ದಂಪತಿ ಬರುತ್ತಿದ್ದಂತೆ ಅಕ್ಕಪಕ್ಕದ ಮನೆಯಲ್ಲಿನ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಹೀಗಾಗಿ ತಕ್ಷಣ ಆರೋಗ್ಯ ಅಧಿಕಾರಿಗಳಿಗೆ ಮಾಹಿತಿ‌ ನೀಡಿದ್ದಾರೆ.‌ ಆರೋಗ್ಯ ಅಧಿಕಾರಿಗಳು ತಡ ಮಾಡದೆ ಬಂದು ದಂಪತಿಗಳಿಬ್ಬರ ಆರೋಗ್ಯವನ್ನು ತಪಾಸಣೆ ಮಾಡಿ ತಕ್ಷಣ ಹೋಂ ಕ್ವಾರಂಟೈನ್ ನಲ್ಲಿ ಇರಲು ‌ಸೂಚನೆ ನೀಡಿದ್ದಾರೆ.