ಅಲ್ಪಸಂಖ್ಯಾತರ ಎಲ್ಲ ವೋಟ್​​ಗಳು ಕಾಂಗ್ರೆಸ್​ಗೇ ಬೀಳಬೇಕು: ಸಚಿವ ಜಮೀರ್ ​

ಲೋಕಸಭಾ ಚುನಾವಣೆ ಹಿನ್ನೆಲೆ ಅರಮನೆ ಮೈದಾನದಲ್ಲಿ ಅಲ್ಪಸಂಖ್ಯಾತ ಸಮಾವೇಶ ನಡೆಯಿತು. ಅಲ್ಪಸಂಖ್ಯಾತ ಮತಗಳು ನೂರರಷ್ಟು ಕಾಂಗ್ರೆಸ್​ಗೇ ಬೀಳಬೇಕು ಎಂದು ಸಚಿವ ಜಮೀರ್ ಅಹ್ಮದ್ ಮುಸ್ಲಿಂ ಸಮುದಾಯಕ್ಕೆ ಕರೆಕೊಟ್ಟರು.

ಬೆಂಗಳೂರು: ಲೋಕಸಭಾ ಚುನಾವಣೆ ಹಿನ್ನಲೆ ಅಲ್ಪಸಂಖ್ಯಾತರ ಬೃಹತ್​ ಸಮಾವೇಶ ನಡೆಸಲಾಗಿದೆ. ನಮ್ಮು ಮುಸ್ಲಿಂ ಮತಗಳೆಲ್ಲ ಕಾಂಗ್ರೆಸ್​ಗೆ ಬೀಳಬೇಕು ಸಚಿವ ಜಮೀರ್​ ಅಹ್ಮನ್​ ಖಾನ್​ ಕರೆ ಕೊಟ್ಟರು.

ನಗರದ ಅರಮನೆ ಮೈದಾನದಲ್ಲಿ ನಡೆದ ಅಲ್ಪಸಂಖ್ಯಾತ ಸಮಾವೇಶ ಉದ್ನದೇಶಿಸಿ ಅವರು ಮಾತನಾಡಿದರು.ಪ್ರಧಾನಿ ನರೇಂದ್ರ ಮೋದಿ ಏನೇನೋ ಆಶ್ವಾಸನೆ ಕೊಟ್ಟಿದ್ದರು, ಆದ್ರೆ ಕಾಳಧನ ಕಂಟ್ರೋಲ್ ಮಾಡ್ತೇವೆ ಅಂದಿದ್ದರು. ಆದ್ರೆ ಎಲ್ಲಿ ಆಯ್ತು? 2 ಕೋಟಿ ಉದ್ಯೋಗ ಕೊಡ್ತೇವೆ ಅಂದ್ರು ಕೊಟ್ಟರಾ? ಎಂದು ಪ್ರಶ್ನಿಸಿದರು.

ಅಲ್ಲದೆ ಪ್ರಧಾನಿ ಬರೀ ಸುಳ್ಳು ಹೇಳೋದ್ರಲ್ಲಿ ಕಾಲ ಕಳೆಯುತ್ತಾರೆ. ಮನ್​ ಕೀ ಬಾತ್ ಬಿಟ್ರೆ ಅವರಿಗೆ ಬೇರೆ ಗೊತ್ತಿಲ್ಲ. ಅವರಿಗೆ ಮುಸ್ಲೀಮರು, ಕ್ರಿಶ್ಚಿಯನ್ನರು ಬೇಕಿಲ್ಲವಂತೆ. ನಮ್ಮ ಮತಗಳು ಅವರಿಗೆ ಬೇಕಿಲ್ಲವಂತೆ. ಅವರಿಗೆ ಕೇವಲ ಹಿಂದೂಸ್ತಾನ್ ಮಾತ್ರ ಬೇಕಿದೆ. ಆದ್ರೆ ಕಾಂಗ್ರೆಸ್​ಗೆ ಎಲ್ಲರೂ ಒಂದೇ ಎಂದು ಜಮೀರ್​ ಅಹ್ಮದ್​ ಪ್ರಧಾನಿ ವಿರುದ್ಧ ವಾಗ್ದಾಳಿ ನಡೆಸಿದರು​.

ಕಾಂಗ್ರೆಸ್ ಪಕ್ಷ ಅಲ್ಪಸಂಖ್ಯಾತರು, ದಲಿತರು, ಎಲ್ಲರಿಗೂ ಅವಕಾಶ ನೀಡಿದೆ. ಹೀಗಾಗಿ ನೀವೆಲ್ಲರೂ ಕಾಂಗ್ರೆಸ್ ಬೆಂಬಲಿಸಬೇಕು. ನಮ್ಮನ್ನ ವಿರೋಧಿಸುವ ಬಿಜೆಪಿಗೆ ತಕ್ಕ ಉತ್ತರ ನೀಡಬೇಕು. ಲೋಕಸಭಾ ಚುನಾವಣೆಯಲ್ಲಿ ನಮಗೆ ಹೆಚ್ಚಿನ ಅವಕಾಶ ನೀಡಬೇಕು. ಹಾವೇರಿ, ಬೆಂಗಳೂರು ಕೇಂದ್ರದಲ್ಲಿ ಅವಕಾಶ ನೀಡಬೇಕು. ಸಿದ್ದರಾಮಯ್ಯನವರು ಈ ದಿಸೆಯಲ್ಲಿ ಪ್ರಯತ್ನ ಮಾಡ್ತಾರೆ. ಶೇ.50 ರಷ್ಟು ಮತ ಅಲ್ಲ ನೂರಕ್ಕೆ ನೂರು ಮತಗಳನ್ನು ಕಾಂಗ್ರೆಸ್​ಗೇ ಹಾಕಬೇಕು ಎಂದು ಮುಸ್ಲಿಂ ಸಮುದಾಯಕ್ಕೆ ಸಚಿವ ಜಮೀರ್​ ಅಹ್ಮದ್​ ಕರೆಕೊಟ್ಟರು.

ಸಮಾವೇಶದಲ್ಲಿ ಸಚಿವರಾದ ಯು.ಟಿ. ಖಾದರ್, ರಹೀಂಖಾನ್, ಮಾಜಿ ಸಚಿವ ರೋಷನ್ ಬೇಗ್, ನಾಸೀರ್ ಹುಸೇನ್, ಎನ್.ಎ. ಹ್ಯಾರೀಸ್ ಸೇರಿದಂತೆ ಹಲವು ಮುಖಂಡರು ಉಪಸ್ಥಿತರಿದ್ದರು.