ಕರ್ನಾಟಕದಿಂದ ತಮಿಳುನಾಡಿಗೆ ಕೆಎಸ್​ಆರ್​ಟಿಸಿ ಬಸ್ ಸಂಚಾರ ಆರಂಭ..‌

ಇದರ ಸದುಪಯೋಗವನ್ನು ಅಂತಾರಾಜ್ಯ ಪ್ರಯಾಣಿಕರು ಪಡೆಯಬಹುದು. ಇನ್ನು, ಕೋವಿಡ್ ಸೋಂಕು ಹಿನ್ನೆಲೆ, ಮಾಸ್ಕ್ ಧರಿಸುವುದು, ದೈಹಿಕ ಅಂತರ ಕಾಪಾಡುವುದು ಕಡ್ಡಾಯ..

ಬೆಂಗಳೂರು : ಕೊರೊನಾದಿಂದ ಅಂತಾರಾಜ್ಯ ಸಾರಿಗೆ ಸೇವೆ ಸ್ಥಗಿತಗೊಂಡಿತ್ತು. ಇದೀಗ ಹಂತ ಹಂತವಾಗಿ ಲಾಕ್​ಡೌನ್‌ ಸಡಿಲಿಕೆ ಮಾಡುತ್ತಿರುವ ಸಂಬಂಧ ಕೆಎಸ್​ಆರ್​ಟಿಸಿ ಬಸ್​ಗಳು ಅಂತಾರಾಜ್ಯ ಸಂಚಾರ ಆರಂಭಿಸಿವೆ.

ಈವರೆಗೆ ತಮಿಳುನಾಡು ಸಂಚಾರಕ್ಕೆ ಅಲ್ಲಿನ ಸರ್ಕಾರ ಅನುಮತಿ ನೀಡಿರಲಿಲ್ಲ. ಆದರೆ, ಇದೀಗ ಅನುಮತಿ ಸಿಕ್ಕಿದ್ದು, ಕೆಎಸ್ಆರ್​ಟಿ‌ಸಿಯು ಇಂದಿನಿಂದಲೇ ತಮಿಳುನಾಡಿಗೆ ಬಸ್​ಗಳ‌ ಸಂಚಾರ ಪ್ರಾರಂಭಿಸಿವೆ. ಇದರ ಸದುಪಯೋಗವನ್ನು ಅಂತಾರಾಜ್ಯ ಪ್ರಯಾಣಿಕರು ಪಡೆಯಬಹುದು. ಇನ್ನು, ಕೋವಿಡ್ ಸೋಂಕು ಹಿನ್ನೆಲೆ, ಮಾಸ್ಕ್ ಧರಿಸುವುದು, ದೈಹಿಕ ಅಂತರ ಕಾಪಾಡುವುದು ಕಡ್ಡಾಯವಾಗಿದೆ.