ರಾಜ್ಯದಲ್ಲಿಂದು 249 ಹೊಸ ಕೋವಿಡ್​ ಕೇಸ್​​... ಬೆಂಗಳೂರಿನಲ್ಲೇ 126 ಪಾಸಿಟಿವ್​!

ರಾಜ್ಯದಲ್ಲಿ ಇಂದು ಕೋವಿಡ್​ ಪ್ರಕರಣ ದ್ವಿಶತಕ ಬಾರಿಸಿದ್ದು, ಬೆಂಗಳೂರಿನಲ್ಲೇ 126 ಹೊಸ ಕೊರೊನಾ ಸೋಂಕಿತ ಪ್ರಕರಣ ಪತ್ತೆಯಾಗಿವೆ.

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಸೋಂಕು ಹರಡುವ ಪರಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇಂದು 200ಕ್ಕೂ ಹೆಚ್ಚು ಹೊಸ ಕೋವಿಡ್​ ಪ್ರಕರಣ ಪತ್ತೆಯಾಗಿವೆ. ಬೆಂಗಳೂರು ನಗರದಲ್ಲಿ 126 ಹೊಸ ಪಾಸಿಟಿವ್​ ಕೇಸ್​ ಕಂಡು ಬಂದಿವೆ.

ರಾಜ್ಯದಲ್ಲಿ ಒಟ್ಟು 9,399 ಕೋವಿಡ್​ ಪ್ರಕರಣಗಳಿದ್ದು, ಇದರಲ್ಲಿ 5,730 ಜನರು ಸೋಂಕಿನಿಂದ ಗುಣಮುಖರಾಗಿ ಡಿಸ್ಚಾರ್ಜ್​ ಆಗಿದ್ದಾರೆ. ಉಳಿದಂತೆ 3,523 ಜನರು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ರಾಜ್ಯಾದ್ಯಂತ ಇಂದು 111 ಜನರು ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಇಂದು ಐವರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಸಾವಿನ ಸಂಖ್ಯೆ 142ಕ್ಕೆ ಏರಿಕೆಯಾಗಿದೆ.

ಒಟ್ಟು 80 ಜನರು ಐಸಿಯುನಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದು, ಇಂದು ಪತ್ತೆಯಾಗಿರುವ ಸೋಂಕಿತರ ಪೈಕಿ 11 ಜನರು ಅಂತಾರಾಷ್ಟ್ರೀಯ ಹಾಗೂ 50 ಜನರು ಅಂತಾರಾಜ್ಯ ಸಂಪರ್ಕ ಹೊಂದಿದ್ದಾರೆ.

ಇಂದು ಬೆಂಗಳೂರಿನಲ್ಲಿ 126, ಕಲಬುರಗಿ 27, ವಿಜಯಪುರ 15, ಉಡುಪಿ 14, ದಕ್ಷಿಣ ಕನ್ನಡ 12, ದಾವಣಗೆರೆ 09, ಉತ್ತರ ಕನ್ನಡ, ಬಾಗಲಕೋಟೆ ತಲಾ 06, ಬೀದರ್​, ಚಿಕ್ಕಮಗಳೂರು ತಲಾ 5, ಧಾರವಾಡ, ಬೆಂಗಳೂರು ಗ್ರಾಮಾಂತರ ತಲಾ 04, ರಾಮನಗರ 03, ಚಿತ್ರದುರ್ಗ, ಕೋಲಾರ, ತುಮಕೂರು, ಕೊಡಗು ತಲಾ 02, ಯಾದಗಿರಿ, ಮೈಸೂರು, ಚಿಕ್ಕಬಳ್ಳಾಪುರ, ಗದಗ, ಕೊಪ್ಪಳ ತಲಾ 01 ಕೇಸ್​ ಕಾಣಸಿಕ್ಕಿವೆ.