ಸ್ಪಾ, ಪಬ್​​ಗಳ ಮಾಲೀಕರಿಗೆ ಹಣಕ್ಕಾಗಿ ಪತ್ರಕರ್ತನ ಧಮ್ಕಿ ಆರೋಪ: ದೂರು ದಾಖಲಾಗ್ತಿದ್ದಂಗೆ ಪ್ರಭು ನಾಪತ್ತೆ

ಸ್ಪಾ ಹಾಗೂ ಪಬ್​​ಗಳಿಗೆ ನುಗ್ಗಿ ಮಾಲೀಕರಿಗೆ ಹಣಕ್ಕಾಗಿ ಬೆದರಿಕೆ ಹಾಕುತ್ತಿದ್ದ ಆರೋಪದ ಮೇಲೆ ಟ್ಯಾಬ್ಲಾಯ್ಡ್ ಪತ್ರಿಕೆಯೊಂದರ ಸಂಪಾದಕನ ವಿರುದ್ಧ ಪ್ರಕರಣ ದಾಖಲಾಗಿದೆ.

ಬೆಂಗಳೂರು:‌ ಸ್ಪಾ ಹಾಗೂ ಪಬ್​​ಗಳಿಗೆ ನುಗ್ಗಿ ಮಾಲೀಕರಿಗೆ ಹಣಕ್ಕಾಗಿ ಬೆದರಿಕೆ ಹಾಕುತ್ತಿದ್ದ ಆರೋಪದ ಮೇಲೆ ಟ್ಯಾಬ್ಲಾಯ್ಡ್ ಪತ್ರಿಕೆಯೊಂದರ ಸಂಪಾದಕನ ವಿರುದ್ಧ ಪ್ರಕರಣ ದಾಖಲಾಗಿದೆ.

ಸಂಪಾದಕ ಪ್ರಭು ಎಂಬಾತ ನಗರದ ವಿವಿಧ ಕಡೆಗಳಲ್ಲಿರುವ ಸ್ಪಾ ಹಾಗೂ ಪಬ್​ಗಳಿಗೆ ಹೋಗಿ‌, ಕಾನೂನು ಬಾಹಿರವಾಗಿ ಸ್ಪಾ ನಡೆಸುತ್ತಿದ್ದೀರಾ ಎಂದು ಮಾಲೀಕರಿಗೆ ಧಮ್ಕಿ ಹಾಕಿ ಹಣಕ್ಕೆ ಬೇಡಿಕೆ ಇಟ್ಟಿದ್ದರು‌‌ ಎನ್ನಲಾಗ್ತಿದೆ.

ಸ್ಪಾ ಹಾಗೂ ಕ್ಲಬ್​​ಗಳ ಮಾಲೀಕರಿಗೆ ಪತ್ರಕರ್ತನಿಂದ ಹಣಕ್ಕಾಗಿ ಧಮ್ಕಿ ಆರೋಪ

ಈ ಸಂಬಂಧ ಮಾಲೀಕರು ಮಾರತ್ ಹಳ್ಳಿ ಪೊಲೀಸರಿಗೆ ದೂರು ನೀಡುತ್ತಿದ್ದಂತೆ ಆರೋಪಿ ನಾಪತ್ತೆಯಾಗಿದ್ದಾನೆ. ಈತ ಈ ಹಿಂದೆಯೂ ನಗರದ ಬೇರೆ ಬೇರೆ ಪಬ್ ಹಾಗೂ ಸ್ಪಾಗಳಿಗೆ ಹೋಗಿ, ಮಾಲೀಕರ ಬಳಿ ಹಣ ಕೇಳುವ ಪ್ರವೃತ್ತಿ ಬೆಳೆಸಿಕೊಂಡಿದ್ದ ಎನ್ನಲಾಗ್ತಿದೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡು‌ ಆರೋಪಿ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.