Jobs: ಕರ್ನಾಟಕ ಕೈಗಾರಿಕಾ ಮತ್ತು ಮೂಲಸೌಲಭ್ಯ ಅಭಿವೃದ್ಧಿ ನಿಗಮದಲ್ಲಿದೆ ನೌಕರಿ: ಈ ಅರ್ಹತೆ ಇರುವವರು ಅರ್ಜಿ ಹಾಕಿ

ಕೆಎಸ್​ಐಐಡಿಸಿಯಲ್ಲಿ ಖಾಲಿ ಇರುವ ಕಂಪನಿ ಸೆಕ್ರೆಟರಿ ಹುದ್ದೆಗಳ ನೇಮಕಾತಿಗೆ ಅರ್ಜಿ ಆಹ್ವಾನಿಸಲಾಗಿದೆ.

ಕರ್ನಾಟಕ ರಾಜ್ಯ ಕೈಗಾರಿಕಾ ಮತ್ತು ಮೂಲ ಸೌಲಭ್ಯ ಅಭಿವೃದ್ಧಿ ನಿಗಮ ನಿಯಮಿತ (KSIIDC)ದಲ್ಲಿ ಖಾಲಿ ಇರುವ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಹೊರಡಿಸಲಾಗಿದೆ. ಕಂಪನಿ ಸೆಕ್ರಟರಿ ಹುದ್ದೆಗಳ ನೇಮಕಾತಿಗೆ ಅರ್ಜಿ ಕರೆಯಲಾಗಿದೆ. ಗುತ್ತಿಗೆ ಆಧಾರದ ಮೇಲೆ ನೇಮಕಾತಿ ನಡೆಯಲಿದೆ. ಆಸಕ್ತಿ ಹೊಂದಿರುವ ಅಭ್ಯರ್ಥಿಗಳು ಇ-ಮೇಲ್​ ಮೂಲಕ ಅರ್ಜಿ ಸಲ್ಲಿಸಬಹುದು.

ಹುದ್ದೆಗಳ ವಿವರ: ಕೆಎಸ್​ಐಐಡಿಸಿಯಲ್ಲಿ ಖಾಲಿ ಇರುವ ವೃತ್ತಿಪರ ಅನುಭವವುಳ್ಳವರಿಗೆ ಕಂಪನಿ ಸೆಕ್ರೆಟರಿ ಸೇವೆಗಳ ಹುದ್ದೆಗಳು. ಈ ಕ್ಷೇತ್ರದಲ್ಲಿ ಮೂರರಿಂದ ಐದು ವರ್ಷದ ವೃತ್ತಿ ಅನುಭವ ಹೊಂದಿರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಅರ್ಹರು.

ವಿದ್ಯಾರ್ಹತೆ: ಅಭ್ಯರ್ಥಿಗಳು ಪದವಿ ಪೂರ್ಣಗೊಳಿಸಿರಬೇಕು. ಹೆಚ್ಚುವರಿಯಾಗಿ ಎಲ್​ಎಲ್​ಬಿ ವಿದ್ಯಾರ್ಹತೆ ಹಾಗೂ ಸಾರ್ವಜನಿಕ ಉದ್ಯಮ ವಲಯದಲ್ಲಿ ಅನುಭವ ಹೊಂದಿರುವವರಿಗೆ ಆದ್ಯತೆ. ಹುದ್ದೆ ಸಂಪೂರ್ಣ ಗುತ್ತಿಗೆ ಆಧಾರಿತ. ಒಂದು ವರ್ಷದ ಅವಧಿ ಹೊಂದಿದೆ. ಅಭ್ಯರ್ಥಿಗಳ ಕಾರ್ಯಕ್ಷಮತೆ ಆಧಾರದ ಮೇಲೆ ವಿಸ್ತರಣೆ ನಡೆಯಲಿದೆ. ಅಭ್ಯರ್ಥಿಗಳು ಕನ್ನಡ ಭಾಷೆಯಲ್ಲಿ ಓದಲು, ಬರೆಯಲು ಮತ್ತು ಮಾತನಾಡುವ ಸಾಮರ್ಥ್ಯ ಹೊಂದಿರಬೇಕು.

ಅಧಿಸೂಚನೆ

ವಯೋಮಿತಿ: ಅಭ್ಯರ್ಥಿಗಳು ಗರಿಷ್ಟ ವಯೋಮಿತಿ 35 ವರ್ಷ ಮೀರಿರಬಾರದು.

ವೇತನ: ಮಾಸಿಕ ಕ್ರೋಡೀಕೃತ ವೇತನ 1 ಲಕ್ಷ ರೂಪಾಯಿ ಜೊತೆಗೆ ಸಾರಿಗೆ ವೆಚ್ಚ ಇರಲಿದೆ.

ಅರ್ಜಿ ಸಲ್ಲಿಕೆ ಹೇಗೆ?: ಅಭ್ಯರ್ಥಿಗಳು ಇ-ಮೇಲ್​ ಅಥವಾ ಸ್ಪೀಡ್​ ಪೋಸ್ಟ್​ ಮೂಲಕ ಅರ್ಜಿ ಸಲ್ಲಿಸಬಹುದು.

ಕೆಎಸ್​ಐಐಡಿಸಿ, ಖನಿಜಾ ಭವನ, ನಾಲ್ಕನೇ ಫ್ಲೋರ್​​, ಈಸ್ಟ್​​ ವಿಂಗ್​​, 49, ರೇಸ್​ ಕೋರ್ಸ್​ ರಸ್ತೆ, ಬೆಂಗಳೂರು- 560001. ಅಥವಾ www.ksiidc.karnataka.gov.in ಇ- ಮೇಲ್​ಗೆ ರೆಸ್ಯೂಮ್ ಸೇರಿದಂತೆ ಅಗತ್ಯ ದಾಖಲಾತಿಗಳೊಂದಿಗೆ ಮಾಹಿತಿ ರವಾನಿಸಬೇಕು.

ಜೂನ್​ 17ರಂದು ಅಧಿಸೂಚನೆ ಹೊರಡಿಸಲಾಗಿದೆ. ಅರ್ಜಿ ಪ್ರಕಟಿಸಿದ 15 ದಿನಗಳೊಳಗೆ ಅಂದರೆ ಜುಲೈ 2ರೊಳಗೆ ಅಭ್ಯರ್ಥಿಗಳು ಇ-ಮೇಲ್​ ಅಥವಾ ಸ್ವೀಡ್​ ಪೋಸ್ಟ್​ ಮೂಲಕ ಅರ್ಜಿ ಸಲ್ಲಿಸಬಹುದು.

ಹುದ್ದೆಯ ಕುರಿತು ಹೆಚ್ಚಿನ ಮಾಹಿತಿಗೆ ಅಭ್ಯರ್ಥಿಗಳು ಪ್ರಧಾನ ವ್ಯವಸ್ಥಾಪಕರು (ಸಿಬ್ಬಂದಿ ಮತ್ತು ಆಡಳಿತ) ಮೊಬೈಲ್​ ಸಂಖ್ಯೆ 9845833566 ಕ್ಕೆ ಸಂಪರ್ಕಿಸಬಹುದು. ಹೆಚ್ಚಿನ ಮಾಹಿತಿ ಮತ್ತು ಅಧಿಕೃತ ಅಧಿಸೂಚನೆ ವೀಕ್ಷಣೆಗೆ ksiidc.karnataka.gov.in ಗೆ ಸಂಪರ್ಕಿಸಬಹುದು.

ಇದನ್ನೂ ಓದಿ: Air India Recruitment: ಗಗನಸಖಿಯಾಗುವ ಕನಸಿಗೆ ಇಲ್ಲಿದೆ ರೆಕ್ಕೆ; ನಾಳೆ ಬೆಂಗಳೂರಿನಲ್ಲೇ ನಡೆಯಲಿದೆ ವಾಕ್​-ಇನ್​- ಇಂಟರ್​ವ್ಯೂ