ಗಾಲ್ಫ ಶೈರ್ ರೆಸಾರ್ಟ್​ಗೆ ಆಗಮಿಸಿದ ಜೆಡಿಎಸ್ ಶಾಸಕರು

ಇಂದಿನ ಅಧಿವೇಶನ ಮುಗಿಸಿಕೊಂಡು ಜೆಡಿಎಸ್​​ ಶಾಸಕರು ಶರವಣ ನೇತೃತ್ವದಲ್ಲಿ ದೇವನಹಳ್ಳಿ ಬಳಿಯ ಗಾಲ್ಫ್​​ ಶೈರ್​ ರೆಸಾರ್ಟ್​ಗೆ ಬಂದಿದ್ದಾರೆ.

ಬೆಂಗಳೂರು:ಅಧಿವೇಶನ ಮುಗಿಸಿಕೊಂಡು ನೇರವಾಗಿ ಜೆಡಿಎಸ್ ಶಾಸಕರು ದೇವನಹಳ್ಳಿ ಬಳಿಯ ಗಾಲ್ಫ್ ಶೈರ್ ರೆಸಾರ್ಟ್​ಗೆ ಅಗಮಿಸಿದ್ದಾರೆ.

ಶರವಣ ನೇತೃತ್ವದಲ್ಲಿ ರೆಸಾರ್ಟ್​ಗೆ ಅಗಮಿಸಿರುವ ಶಾಸಕರ‌ ಮೊಗದಲ್ಲಿ‌ ಮಂದಹಾಸ ಎದ್ದು ಕಾಣುತ್ತಿತ್ತು. ವಿಧಾನಸೌದದಲ್ಲಿ ನಡೆದ ವಿಶ್ವಾಸಮತದ ಕುರಿತ ಚರ್ಚೆಯಲ್ಲಿ ಪಾಲ್ಗೊಂಡಿದ್ದ ಶಾಸಕರು ರೆಸಾರ್ಟ್​ಗೆ ಬಂದಿದ್ದು ನಾಳೆ ಬೆಳಗ್ಗೆ ಮತ್ತೆ ವಿಧಾನಸೌಧಕ್ಕೆ‌ ತೆರಳಲಿದ್ದಾರೆ.

ಅಲ್ಲದೇ ಸೋಮವಾರದವರೆಗೂ ವಿಧಾನಸೌಧದ ಅಧಿವೇಶನ ನಡೆಯುವ ಸಂಭವವಿದ್ದು, ಅಲ್ಲಿಯವರೆಗು ರೆಸಾರ್ಟ್​ನಲ್ಲಿ ತಂಗಲಿದ್ದಾರೆ.