ಬೆಂಗಳೂರಿನಲ್ಲಿ ಕೋವಿಡ್‌ ಟೆಸ್ಟಿಂಗ್​ ಪ್ರಮಾಣ ಇಳಿಸಿದ ಬಿಬಿಎಂಪಿ

ನಿನ್ನೆ ನಗರದಲ್ಲಿ ಕೇವಲ 32,862 ಮಂದಿಗೆ ಮಾತ್ರ ಕೋವಿಡ್​ ಟೆಸ್ಟ್ ಮಾಡಲಾಗಿದ್ದು, 16,747‌ ಸೋಂಕಿತರು ಪತ್ತೆಯಾಗಿದ್ದಾರೆ. ಈ ಮೊದಲು ಬಿಬಿಎಂಪಿ 65 ಸಾವಿರದವರೆಗೆ ನಿತ್ಯ ಕೋವಿಡ್​​ ಟೆಸ್ಟ್ ನಡೆಸುತ್ತಿತ್ತು.

ಬೆಂಗಳೂರು: ಕೋವಿಡ್​ ಟೆಸ್ಟಿಂಗ್​​ ಪ್ರಮಾಣವನ್ನು ಕಡಿಮೆ ಮಾಡಿ, ಕಡಿಮೆ ಸೋಂಕು ಪ್ರಕರಣಗಳನ್ನು ತೋರಿಸಲು ಬಿಬಿಎಂಪಿ ಮುಂದಾಗಿದೆಯೇ? ಎಂಬ ಶಂಕೆ ಮೂಡಿದೆ.

ಇದೀಗ ಕೋವಿಡ್​ ಟೆಸ್ಟ್ ಸಂಖ್ಯೆಗಳನ್ನು ಬಿಬಿಎಂಪಿ ಅರ್ಧಕ್ಕೆ ಇಳಿಸಿದೆ. ಪಾಸಿಟಿವಿಟಿ ರೇಟ್ ಜಾಸ್ತಿಯಾಗ್ತಿದ್ದಂತೆ ಟೆಸ್ಟಿಂಗ್​​ ಸಂಖ್ಯೆ ಕಡಿಮೆಯಾಗಿದೆ. ನಿನ್ನೆ ನಗರದಲ್ಲಿ ಕೇವಲ 32,862 ಮಂದಿಗೆ ಮಾತ್ರ ಕೋವಿಡ್​ ಟೆಸ್ಟ್ ಮಾಡಲಾಗಿದ್ದು, 16,747‌ ಸೋಂಕಿತರು ಪತ್ತೆಯಾಗಿದ್ದಾರೆ. ಪರಿಣಾಮ, ಬೆಂಗಳೂರಿನಲ್ಲಿ ಶೇ 39 ಪಾಸಿಟಿವಿಟಿ ರೇಟ್ ದಾಖಲಾಗಿದೆ.

ಬೆಂಗಳೂರು ಕೋವಿಡ್​ ಪ್ರಕರಣಗಳು

ಇದನ್ನೂ ಓದಿ:ಬೆಂಗಳೂರಿನಲ್ಲಿ 15,913 ಜನರಿಗೆ ಕೊರೊನಾ ದೃಢ: ಹೊಸ ಸೋಂಕು ಪ್ರಕರಣಗಳು ಇಳಿಕೆ

ಈ ಮೊದಲು ಬಿಬಿಎಂಪಿ 65 ಸಾವಿರದವರೆಗೆ ನಿತ್ಯ ಕೋವಿಡ್​​ ಟೆಸ್ಟ್ ನಡೆಸುತ್ತಿತ್ತು. ಕೊರೊನಾ ಟಾಸ್ಕ್ ಫೋರ್ಸ್ ಇದನ್ನು 1 ಲಕ್ಷಕ್ಕೆ ಏರಿಸಲು ಸಲಹೆ ನೀಡಿದೆ. ಆದ್ರೆ ಬಿಬಿಎಂಪಿ ಟೆಸ್ಟಿಂಗ್​​ ಪ್ರಮಾಣವನ್ನು ಇಳಿಕೆ ಮಾಡಿದೆ.

ದೇಶದ ಎಲ್ಲಾ ಮಹಾನಗರಗಳಿಗಿಂತ ಬೆಂಗಳೂರಲ್ಲೇ ಅಧಿಕ ಸೋಂಕು ಪ್ರಕರಣಗಳು ಪತ್ತೆಯಾಗುತ್ತಿದೆ.