ಬೆಂಗಳೂರು: ರೈತರಿಗೆ ಅನುಕೂಲ ಆಗಲಿ ಎಂದು ಸರ್ಕಾರವೇ ರೈತರಿಂದ ರಾಗಿ ಖರೀದಿಗೆ ಮುಂದಾಗಿದೆ. ಈ ರಾಗಿ ಖರೀದಿಗೆ ಬೇಕಾದ ಗೋಣಿ ಚೀಲದಲ್ಲಿ ಸಾಕಷ್ಟು ಅವ್ಯವಹಾರ ಆಗಿದೆ ಎಂದು ಆರೋಪ ಕೇಳಿ ಬಂದಿದೆ. ಈ ಹಿಂದೆ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಅಧಿಕಾರಿಯಾಗಿದ್ದ ಐಎಎಸ್ ಅಧಿಕಾರಿ ಶಿವಾನಂದ ಕಪಾಶಿ, ಕೆಎಎಸ್ ಅಧಿಕಾರಿ ಸೋಮಣ್ಣವರ್ ಹಾಗೂ ವೀರೇಶ್ ಕುಮಾರ್ ಗಂಭೀರ ಆರೋಪ ಕೇಳಿ ಬಂದಿದೆ.
ರಾಗಿ ತುಂಬುವ ಗೋಣಿ ಚೀಲದಲ್ಲೂ ಹಣ ಮಾಡಿದ್ರಾ ಅಧಿಕಾರಿಗಳು
ಈ ಕುರಿತು ಸಮಗ್ರ ತನಿಖೆ ನಡೆಸುವಂತೆ ಸಾಮಾಜಿಕ ಕಾರ್ಯಕರ್ತ ದಿನೇಶ್ ಕಲ್ಲಳ್ಳಿ ಲೋಕಾಯುಕ್ತಕ್ಕೆ ದೂರು ಸಲ್ಲಿಸಿದ್ದಾರೆ. ಬೆಂಬಲ ಬೆಲೆಯಡಿ ರಾಗಿ ಖರೀದಿಗೆ ಪ್ರತೀ ಗೋಣಿ ಚೀಲಗಳ ಖರೀದಿಗೆ ಸರ್ಕಾರ 22 ರೂಪಾಯಿ ನಿಗದಿ ಮಾಡಿದೆ. ಈ ಬಾರಿ ಜೆಮ್ ಪೋರ್ಟಲ್ಗಳ ಮೂಲಕ ಚೀಲ ಖರೀದಿಸುವಂತೆ ರಾಜ್ಯಗಳಿಗೆ ಕೇಂದ್ರ ಸರ್ಕಾರ ಸೂಚಿಸಿತ್ತು.