ಕೆಎಸ್​​ಆರ್​ಪಿ ಸಿಬ್ಬಂದಿಗೆ ಹೆಚ್ಚಿದ ಕೊರೊನಾ: ಹಿರಿಯ ಅಧಿಕಾರಿಗಳಿಂದ ಸಭೆ

ಕೆಎಸ್​ಆರ್​ಪಿ 4ನೇ ಪಡೆಯಲ್ಲಿ ಒಟ್ಟು 11 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಕೆಎಸ್​ಆರ್​ಪಿ ಸಿಬ್ಬಂದಿಯಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ. ಇದೀಗ ಇವರ ಜವಾಬ್ದಾರಿ ಹೊತ್ತಿರುವ ಎಡಿಜಿಪಿ ಅಲೋಕ್ ಕುಮಾರ್ ಅವರು ಕೆಎಸ್​ಆರ್​ಪಿ ತುಕಡಿಗೆ ಸಂಬಂಧಿಸಿದ ಅಧಿಕಾರಿಗಳ ಜೊತೆ ಸಭೆ ನಡೆಸಿದ್ದಾರೆ‌.

ಬೆಂಗಳೂರು:ಕೊರೊನಾ ವಾರಿಯರ್​​​ ಆಗಿ ಹೋರಾಡುತ್ತಿರುವ ಪೊಲೀಸ್​ ಸಿಬ್ಬಂದಿಗೆ ಕೊರೊನಾ ಸೋಂಕು ದಿನೇ ದಿನೆ ಹೆಚ್ಚುತ್ತಿದೆ. ಇದೀಗ ಕೋರಮಂಗಲದಲ್ಲಿ ನಿಯೋಜನೆಯಾಗಿರುವ ಕೆಎಸ್​​​ಆರ್​​ಪಿಯ ನಾಲ್ಕನೇ ಪಡೆಯ 6 ಜನ ಪೊಲೀಸ್ ಸಿಬ್ಬಂದಿಯಲ್ಲಿ ಕೊರೊನಾ ಕಾಣಿಸಿಕೊಂಡಿದ್ದು, ಮುಂಜಾಗ್ರತ ಕ್ರಮವಾಗಿ 58 ಜನ ಪೊಲೀಸ್ ಸಿಬ್ಬಂದಿಯನ್ನು ಕ್ವಾರಂಟೈನ್ ಮಾಡಲಾಗಿದೆ.

ಕೆಎಸ್​ಆರ್​ಪಿ 4ನೇ ಪಡೆಯಲ್ಲಿ ಒಟ್ಟು 11 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಕೆಎಸ್​ಆರ್​ಪಿ ಸಿಬ್ಬಂದಿಯಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ. ಇದೀಗ ಇವರ ಜವಾಬ್ದಾರಿ ಹೊತ್ತಿರುವ ಎಡಿಜಿಪಿ ಅಲೋಕ್ ಕುಮಾರ್ ಕೆಎಸ್​ಆರ್​ಪಿ ತುಕಡಿಗೆ ಸಂಬಂಧಿಸಿದ ಅಧಿಕಾರಿಗಳ ಜೊತೆ ಸಭೆ ನಡೆಸಿದ್ದಾರೆ‌.

ಕೆಎಸ್​​ಆರ್​ಪಿ ತುಕಡಿ ಸಿಬ್ಬಂದಿ ಕಂಟೈನ್​​ಮೆಂಟ್​​​ ಪ್ರದೇಶಗಳಿಗೆ ತೆರಳಿ ಭದ್ರತೆಯನ್ನ ನೋಡಿಕೊಳ್ತಾರೆ. ಒಂದು ವಾರ ಕಾಲ ಅದೇ ಸ್ಥಳದಲ್ಲಿ ವಾಸ್ತವ್ಯ ಮಾಡ್ತಾರೆ. ಸೋಂಕು ದೃಢಪಟ್ಟಿರುವ 11 ಜನ ಕೂಡ ಪಾದರಾಯನಪುರ ಸೇರಿದಂತೆ ಕಂಟೈನ್ಮೆಂಟ್ ಝೋನ್​​ನಲ್ಲಿ ನಿರಂತರಾಗಿ ಕಾರ್ಯನಿರ್ವಹಿಸಿರುವ ಮೀಸಲು ಪೊಲೀಸರಾಗಿದ್ದಾರೆ.

ಇವರ ಜೊತೆ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿದಲ್ಲಿದ್ದವರನ್ನು ಅಧಿಕಾರಿಗಳು ಪತ್ತೆ ಮಾಡುತ್ತಿದ್ದಾರೆ.