ಲಾಲ್​​ಬಾಗ್ ಪ್ರವೇಶ ಶುಲ್ಕದಲ್ಲಿ ಹೆಚ್ಚಳ : 12 ವರ್ಷ ಮೇಲ್ಪಟ್ಟವರಿಗೂ 30 ರೂ. ನಿಗದಿ

ಕೊರೊನಾ ಕಾರಣದಿಂದ ಲಾಲ್​​​ಬಾಗ್​ ಬಂದ್ ಮಾಡಲಾಗಿತ್ತು. ಇದೀಗ ವೀಕ್ಷಕರ ಪ್ರವೇಶಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಇದರ ಬೆನ್ನೆಲ್ಲೇ ಪ್ರವೇಶ ಶುಲ್ಕ ಹೆಚ್ಚಳ ಮಾಡಿದೆ.

ಬೆಂಗಳೂರು:ಕೋವಿಡ್​ ಕಾರಣದಿಂದ ಬಂದ್ ಆಗಿದ್ದ ಸಸ್ಯಕಾಶಿ ಎಂದೇ ಪ್ರಸಿದ್ಧಿ ಪಡೆದಿರುವ ಲಾಲ್​​​ಬಾಗ್​ ಆರಂಭಗೊಂಡಿದೆ. ಆದರೆ ಪ್ರವೇಶ ಶುಲ್ಕವನ್ನು ಹೆಚ್ಚಳ ಮಾಡಿದೆ.

ಈ ಹಿಂದೆ ವಯಸ್ಕರಿಗೆ 25 ರೂ.ಪಾಯಿ ಇತ್ತು.ಇದೀಗ 30 ರೂ. ಮಾಡಿದೆ. ಮಕ್ಕಳಿಗೆ ಈ ಹಿಂದೆ ಉಚಿತ ಪ್ರವೇಶವಿತ್ತು. ಆದರೆ, ಇದೀಗ ಆರು ವರ್ಷದೊಳಿಗೆ ಮಕ್ಕಳಿಗಷ್ಟೇ ಫ್ರೀ ಎಂಟ್ರಿ ಹಾಗೂ 12 ವರ್ಷದೊಳಗಿನ ಮಕ್ಕಳಿಗೆ 10 ರೂ. ದರ, ಇನ್ನು 12 ವರ್ಷ ಮೇಲ್ಪಟ್ಟವರಿಗೆ 30 ರೂಪಾಯಿ ಶುಲ್ಕ ನಿಗದಿಪಡಿಸಿದೆ.

ಇತ್ತ ಎಲ್ಲಾ ಬಗೆಯ ವಾಹನಗಳಿಗೂ ಶುಲ್ಕ ಏರಿಕೆ ಮಾಡಿದೆ.

ವಾಹನಗಳ ಶುಲ್ಕವೂ ಏರಿಕೆ:

• ದ್ವಿಚಕ್ರ ವಾಹನ- 30
• ಕಾರುಗಳು- 40
• ಟೆಂಪೋ ಟ್ರಾವೆಲರ್ - 70
• ಬಸ್​ಗಳಿಗೆ- 110 ಮೂರು ಗಂಟೆಯ ನಂತರ ಶುಲ್ಕ ಏರಿಕೆ ಮಾಡಲಾಗುತ್ತೆ. ಇನ್ನು ವಿಶೇಷ ದಿನಗಳಲ್ಲಿ ಈ ದರ 5-10ರೂ ಏರಿಕೆ ಆಗಲಿದೆ.